സീലുകളുടെ കുടുംബത്തിൽപ്പെട്ട ഒരു കടൽ ജീവിയാണ് കടൽസിംഹം.കഴിഞ്ഞ ദിവസം ചൈനയിലുള്ള ഒരു അക്വേറിയത്തിൽനിന്ന് ഒരു കടൽ സീംഹത്തെ കാണാതായി. പുതിയതായി ഈ അക്വേറിയത്തിൽ എത്തിയതായിരുന്നു ആ കടൽസിംഹം. കടൽസിംഹത്തിനെ കാണാനില്ലെന്ന് മനസിലാക്കിയ ഉടൻ അക്വേറിയം അധികൃതർ തെരച്ചിൽ ആരംഭിച്ചു.
ഒടുവിൽ അക്വേറിയത്തിന് സമീപത്തുതന്നെയുള്ള ഒരു സിനിമ തിയറ്ററിൽനിന്നാണ് കടൽസിംഹത്തിനെ കണ്ടെത്തിയത്. പോലീസും അക്വേറിയം അധികൃതരും ചേർന്ന് കടൽസിംഹത്തെ സുരക്ഷിതമായി തിരിച്ച് അക്വേറിയത്തിലെത്തിച്ചു. പരിസരപ്രദേശങ്ങളൊക്കെ നിരീക്ഷിക്കാനായിരിക്കും കടൽസിംഹം പുറത്തിറങ്ങിയതെന്ന് അക്വേറിയം അധികൃതർ പറഞ്ഞു.
