തൃശൂർ: അനധികൃതമായി സെഡേഷൻ ഗുളികകൾ വാങ്ങി ലഹരിക്കായി ഉപയോഗിച്ചിരുന്ന മൂന്നംഗ സംഘത്തെ ഈസ്റ്റ് പോലീസ് പിടികൂടി.ജില്ലാ കോ-ഓപ്പറേറ്റീവ് ആശുപത്രിയിലെ മെഡിക്കൽ സൂപ്രണ്ടിന്‍റെ രണ്ട് സീലുകളും ലെറ്റർ പാഡുകളും മോഷണം നടത്തി അതുപയോഗിച്ചാണ് ഇവർ മെഡിക്കൽ സ്റ്റോറിൽ നിന്ന് മരുന്നുകൾ വാങ്ങിയിരുന്നത്.
എരവിമംഗലം ചിങ്ങൻ വീട്ടിൽ സിജോ (തവളക്കണ്ണൻ 25), പുത്തൂർ നന്പ്യാർ റോഡിൽ വടക്കൻ വീട്ടിൽ ബാബു(38), അഞ്ചേരി, പാലക്കുഴിയിൽ താഴത്ത് വീട്ടിൽ അഖിൽ എന്നിവരാണ് അറസ്റ്റിലായത്.
കാച്ചേരിയിലെ പാടത്തുനിന്നാണ് പോലീസ് ഇവരെ പിടികൂടിയത്. ഈസ്റ്റ് സിഐ കെ.സി. സേതുവിന്‍റെ നിർദ്ദേശപ്രകാരം എഎസ്ഐ സിദ്ദിഖ് അബ്ദുൽഖാദർ, സീനിയർ സിവിൽ പോലീസ് ഓഫീസർമാരായ പീറ്റർ, ശശികുമാർ, പ്രദീപ്, സിവിൽ പോലീസ് അരവിന്ദ് എന്നിവർ ചേർന്നാണ് അറസ്റ്റ് ചെയ്തത്.
