സെൽഫിയെടുക്കാൻ പാലത്തിൽ കയറി മൂവർ സംഘം; പാലം തകർന്ന് ദമ്പതികൾ വെള്ളത്തിൽ വീണു; ജി​ജി​മോ​ളു​ടെ സാ​ഹ​സി​ക​ത​യി​ൽ അവർ ജീ​വി​ത​ത്തി​ലേ​ക്കു മ​ട​ങ്ങി

തി​രു​വ​ല്ല: പാ​ലം ത​ക​ർ​ന്നു വേ​ങ്ങ​ൽ തോ​ട്ടി​ൽ മു​ങ്ങി​ത്താ​ഴ്ന്ന മൂ​ന്നു ജീ​വ​നു​ക​ൾ​ക്കു ര​ക്ഷ​യേ​കി​യ​ത് ജി​ജി മോ​ളു​ടെ അ​തി​സാ​ഹ​സി​ക​ത.

പെ​രി​ങ്ങ​ര വേ​ങ്ങ​ൽ ചേ​ന്ന​നാ​ട്ടി​ൽ ഷാ​ജി​യു​ടെ ഭാ​ര്യ ജി​ജി​മോ​ൾ ഏ​ബ്ര​ഹാ(45)​മാ​ണ് വി​ല​പ്പെ​ട്ട മൂ​ന്നു ജീ​വ​നു​ക​ൾ​ക്കു ര​ക്ഷ​ക​യാ​യ​ത്.

ദു​ബാ​യി​ലെ ഐ​ടി ക​മ്പ​നി​യി​ൽ ജോ​ലി ചെ​യ്യു​ന്ന വേ​ങ്ങ​ൽ ചെ​മ്പ​ര​ത്തി മൂ​ട്ടി​ൽ വി​നീ​ത് കോ​ട്ടേ​ജി​ൽ സി​ജി​ൻ സ​ണ്ണി (28), ഭാ​ര്യ മെ​ർ​ലി​ൻ വ​ർ​ഗീ​സ് (25), സി​ജി​ന്‍റെ മാ​തൃ സ​ഹോ​ദ​രി പു​ത്ര​ൻ മും​ബൈ​യി​ൽ താ​മ​സ​മാ​ക്കി​യി​ട്ടു​ള്ള വി​നീ​ത് വ​ർ​ഗീ​സ് (27) എ​ന്നി​വ​രെ​യാ​ണ് ജി​ജി​മോ​ൾ ജീ​വി​ത​ത്തി​ലേ​ക്കു തി​രി​കെ എ​ത്തി​ച്ച​ത്. ഇ​ന്ന​ലെ രാ​വി​ലെ ഏ​ഴ​ര​യോ​ടെ ആ​യി​രു​ന്നു സം​ഭ​വം.

വേ​ങ്ങ​ൽ പാ​ട​ശേ​ഖ​ര​ത്തി​ലേ​ക്കു പോ​കാ​നാ​യി തെ​ക്കേ​ച്ച​റ​പ്പ​ടി​യി​ൽ നി​ർ​മി​ച്ചി​രു​ന്ന ഇ​രു​മ്പ് നി​ർ​മി​ത ന​ട​പ്പാ​ല​മാ​ണ് ത​ക​ർ​ന്നു വീ​ണ​ത്.

വേ​ങ്ങ​ൽ – വേ​ളൂ​ർ മു​ണ്ട​കം റോ​ഡി​ന്‍റെ വ​ശം ചേ​ർ​ന്ന് ഒ​ഴു​കു​ന്ന 25 അ​ടി​യോ​ളം വീ​തി​യും പ​ത്ത​ടി​യി​ലേ​റെ താ​ഴ്ച​യും ശ​ക്ത​മാ​യ ഒ​ഴു​ക്കു​മു​ള്ള തോ​ടി​ന്‍റെ മ​ധ്യ​ഭാ​ഗ​ത്തേ​ക്കു പാ​ലം ത​ക​ർ​ന്നു മൂ​വ​രും വീ​ഴു​ക​യാ​യി​രു​ന്നു.

വേ​ങ്ങ​ൽ പാ​ട​ത്തി​ന്‍റെ ഫോ​ട്ടോ​ക​ൾ പ​ക​ർ​ത്തി​യ ശേ​ഷം തി​രി​കെ വ​രു​ന്പോ​ഴാ​യി​രു​ന്നു അ​പ​ക​ടം. നീ​ന്ത​ൽ വ​ശ​മി​ല്ലാ​ത്ത മൂ​വ​രും പ​ര​സ്പ​രം ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ മു​ങ്ങി​ത്താ​ഴ്ന്നു.

പു​ഷ്പ​ഗി​രി ആ​ശു​പ​ത്രി​യി​ൽ കോ​ഫി സ്റ്റാ​ൾ ന​ട​ത്തു​ന്ന ജി​ജി​മോ​ൾ ജോ​ലി​ക്കാ​യി സ്കൂ​ട്ട​റി​ൽ പോ​കു​ന്പോ​ഴാ​ണ് മൂ​ന്നു​പേ​ർ വെ​ള്ള​ത്തി​ൽ മു​ങ്ങി​ത്താ​ഴു​ന്ന​ത് ക​ണ്ട​ത്.

ഉ​ട​ൻ​ത​ന്നെ ബ​ഹ​ളം​വ​ച്ചു സ​മീ​പ​വാ​സി​ക​ളെ അ​റി​യി​ച്ച ശേ​ഷം തോ​ട്ടി​ലേ​ക്കു ചാ​ടി. ഓ​രോ​രു​ത്ത​രെ​യാ​യി തോ​ടി​ന്‍റെ അ​രി​കി​ലേ​ക്ക് എ​ത്തി​ച്ചു.

​തു​ട​ർ​ന്നു ബ​ഹ​ളം കേ​ട്ട് ഓ​ടി​ക്കൂ​ടി​യ പ​രി​സ​ര​വാ​സി​ക​ൾ ചേ​ർ​ന്നു നാ​ലു​പേ​രെ​യും വെ​ള്ള​ത്തി​ൽ​നി​ന്നു ക​ര​യ്ക്കു ക​യ​റ്റി.