സോഷ്യൽ പ്ലാറ്റ്‌ഫോമുകളിൽ ആകർഷകമായ നൃത്ത പ്രകടനങ്ങൾ മുതൽ ശാന്തമായ സംഗീത അവതരണങ്ങൾ വരെയുള്ള വിവിധ വീഡിയോകൾ പ്രചരിക്കാറുണ്ട്. അടുത്തിടെ ഭാംഗ് പിലി ഗോരാ നേ എന്ന പാട്ടിന് പോലീസ് ഉദ്യോഗസ്ഥർ നൃത്തം ചെയ്യുന്ന ഒരു ഇൻസ്റ്റാഗ്രാം റീൽ വൈറലായിരുന്നു.
ഒരു പുരുഷനും വനിതാ പോലീസ് ഓഫീസറും പാട്ടിനൊപ്പം നൃത്തം ചെയ്യുന്നതാണ് റീലിൽ. അവരുടെ സീനിയർ ഓഫീസർ എത്തി വനിതാ ഓഫീസറെ തട്ടുന്നത് വരെ അവർ നൃത്തം ചെയ്തുകൊണ്ടേയിരിന്നു.
വനിതാ ഓഫീസർ തന്‍റെ മേലുദ്യോഗസ്ഥനെ കണ്ട് ഭയന്ന് സഹപ്രവർത്തകനെ ഉടൻ അറിയിക്കുകയും ചെയ്യുന്നു. തുടക്കത്തിൽ അയാൾ അവരെ ശ്രദ്ധിച്ചില്ല, പക്ഷേ സീനിയറിനെ കണ്ട ശേഷം പെട്ടെന്ന് സല്യൂട്ട് ചെയ്തു.
രണ്ടുപേരും അവരുടെ സീനിയർ ഓഫീസറെ മുഖത്തേക്ക് ഭയത്തോടെ നോക്കുന്നു, ഒരുപക്ഷേ ശിക്ഷയെ പേടിച്ചായിരിക്കാം. എന്നാൽ അവരെ അത്ഭുതപ്പെടുത്തിക്കൊണ്ട് അവരുടെ സീനിയറും നൃത്തം ചെയ്യാൻ തുടങ്ങുന്നു. ഇത് ഉദ്യോഗസ്ഥരെ സന്തോഷിപ്പിക്കുകയും തുടർന്ന് തങ്ങളുടെ മേലുദ്യോഗസ്ഥനോടൊപ്പം നൃത്തം ചെയ്യാൻ പ്രേരിപ്പിക്കുകയും ചെയ്തു.
ഈ വീഡിയോ 41 ദശലക്ഷത്തിലധികം വ്യൂസുമായി വൈറലാവുകയാണ്. ഇന്ത്യൻ ഭരണഘടന പ്രകാരം എല്ലാവർക്കും ആസ്വദിക്കാൻ അവകാശമുണ്ടെന്ന് ഒരു ഉപയോക്താവ് എഴുതിയതോടെ സോഷ്യൽ മീഡിയ ഉപയോക്താക്കൾ ഈ വീഡിയോയ്ക്ക് നിരവധി പ്രതികരണങ്ങളുമായി എത്തി.
ഇത്തരത്തിൽ റെയിൽവേ സ്റ്റേഷൻ പ്ലാറ്റ്‌ഫോമിൽ ഒരു വനിതാ പോലീസ് ഓഫീസർ നൃത്തം ചെയ്യുന്ന സമാനമായ ഒരു ക്ലിപ്പ് കുറച്ച് കാലം മുമ്പ് വൈറലായിരുന്നു. രാജ്യത്തുടനീളമുള്ള ആളുകൾ അത് ആസ്വദിക്കുന്നു. തിരക്കേറിയ സ്ഥലങ്ങളിൽ പോലും സന്തോഷത്തിന് ഇടമുണ്ടെന്ന് ആ വീഡിയോ ഓർമ്മപ്പെടുത്തി.
