ബൈ​പാ​സ് ശ​സ്ത്ര​ക്രി​യ വി​ജ​യം; സെ​ന്തി​ൽ ബാ​ലാ​ജി ആ​ശു​പ​ത്രി​യി​ൽ തു​ട​രും; ഇ​ഡി കാ​ത്തി​രി​ക്കും

ചെ​ന്നൈ: ബൈ​പാ​സ് ശ​സ്ത്ര​ക്രി​യ​യ്ക്കു വി​ധേ​യ​നാ​യ മ​ന്ത്രി സെ​ന്തി​ൽ ബാ​ലാ​ജി​യു​ടെ ആ​രോ​ഗ്യ​നി​ല തൃ​പ്തി​ക​രം. ഹൃ​ദ​യ​ധ​മ​നി​ക​ളി​ലെ നാ​ലു ത​ട​സ​ങ്ങ​ൾ നീ​ക്കി​യെ​ന്നും ആ​രോ​ഗ്യ​നി​ല നി​രീ​ക്ഷി​ക്കു​ന്നു​ണ്ടെ​ന്നും ചെ​ന്നൈ കാ​വേ​രി ആ​ശു​പ​ത്രി അ​ധി​കൃ​ത​ർ പ​റ​ഞ്ഞു.

ഒ​രാ​ഴ്ച​യോ​ളം മ​ന്ത്രി​ക്ക് ആ​ശു​പ​ത്രി​യി​ൽ തു​ട​രേ​ണ്ടി​വ​രും. സാ​ധാ​ര​ണ​ജീ​വി​ത​ത്തി​ലേ​ക്കു മ​ട​ങ്ങാ​ൻ മൂ​ന്നു മാ​സ​മെ​ങ്കി​ലും വേ​ണ്ടി​വ​രു​മെ​ന്നാ​ണ് വി​ല​യി​രു​ത്ത​ൽ.

സ​ർ​ക്കാ​ർ ജോ​ലി​ക്കു കോ​ഴ വാ​ങ്ങി​യ കേ​സി​ൽ ഇ​ഡി അ​റ​സ്റ്റ് ചെ​യ്ത​തി​നു​ശേ​ഷ​മാ​ണു സെ​ന്തി​ൽ ബാ​ലാ​ജി​യെ നെ​ഞ്ചു​വേ​ദ​ന​യെ തു​ട​ർ​ന്ന് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.

ശ​സ്ത്ര​ക്രി​യ​യ്ക്കു വി​ധേ​യ​നാ​യ​തി​നാ​ൽ അ​ദ്ദേ​ഹ​ത്തെ ചോ​ദ്യം ചെ​യ്യാ​ൻ ഇ​ഡി​ക്ക് ഇ​നി​യും കാ​ത്തി​രി​ക്കേ​ണ്ടി​വ​രും. അ​തേ​സ​മ​യം, നാ​ളെ ഇ​ഡി​യു​ടെ ക​സ്റ്റ​ഡി കാ​ലാ​വ​ധി അ​വ​സാ​നി​ക്കും.

മ​ന്ത്രി​യെ സ്വ​കാ​ര്യ ആ​ശു​പ​ത്രി​യി​ലേ​ക്കു മാ​റ്റാ​ൻ അ​നു​വ​ദി​ച്ച മ​ദ്രാ​സ് ഹൈ​ക്കോ​ട​തി വി​ധി​ക്കെ​തി​രേ ഇ​ഡി സു​പ്രീം​കോ​ട​തി​യെ സ​മീ​പി​ച്ചെ​ങ്കി​ലും കേ​സി​ൽ ഇ​ട​പെ​ടാ​ൻ വി​സ​മ്മ​തി​ച്ചു.

ആ​രോ​ഗ്യ​വാ​നാ​ണെ​ന്നു മെ​ഡി​ക്ക​ൽ ബോ​ർ​ഡ് സാ​ക്ഷ്യ​പ്പെ​ടു​ത്തി​യാ​ലേ പ്ര​തി​യെ പോ​ലീ​സ് ക​സ്റ്റ​ഡി​യി​ൽ വി​ടൂ എ​ന്നും കോ​ട​തി വ്യ​ക്ത​മാ​ക്കി.

ഹ​ർ​ജി ജൂ​ലൈ നാ​ലി​നു പ​രി​ഗ​ണി​ക്കാ​നാ​യി മാ​റ്റി. മ​ന്ത്രി​യു​ടെ ഭാ​ര്യ മേ​ഘ​ല​യു​ടെ ഹേ​ബി​യ​സ് കോ​ർ​പ​സ് ഹ​ർ​ജി പ​രി​ഗ​ണി​ച്ചാ​ണ് അ​ടി​യ​ന്ത​ര ശ​സ്ത്ര​ക്രി​യ​യ്ക്കാ​യി സ്വ​കാ​ര്യ ആ​ശു​പ​ത്രി​യി​ലേ​ക്കു മാ​റ്റാ​ൻ മ​ദ്രാ​സ് ഹൈ​ക്കോ​ട​തി നേ​ര​ത്തേ ഇ​ട​ക്കാ​ല ഉ​ത്ത​ര​വി​ട്ട​ത്.