പാലോട് : ഫേസ്ബുക്ക് വഴി പരിചയപ്പെട്ട യുവതിയുടെ മോർഫ് ചെയ്ത ഫോട്ടോ വിദേശത്തു ജോലി ചെയ്യുന്ന പ്രതിശ്രുത വരനു അയച്ചു കൊടുത്ത കേസില്‍ സീരിയല്‍ നടന്‍ അറസ്റ്റിൽ. പാലോട് കരിമണ്‍കോട് സ്വദേശി ഷാന്‍ (25) ആണ് പാലോട് പോലീസിന്‍റെ പിടിയിലായത്. സീരിയലില്‍ അഭിനയിപ്പിക്കാം എന്ന വാഗ്ദാനം നൽകി പ്രതി നിരവധി ഫോട്ടോകള്‍ എടുത്തു.
ഈ ഫോട്ടോ മോർഫ് ചെയ്ത് പ്രതിശ്രുത വരനു അയച്ചു കൊടുത്ത കേസിലാണ് ഷാന്‍ അറസ്റ്റിലാകുന്നത്. പെണ്‍കുട്ടിയുടെ ബന്ധുക്കള്‍ പാലോട് പോലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് പാലോട് സിഐഷിബുകുമാറിന്‍റെ നേതൃത്വത്തില്‍ പ്രതിയെ അറസ്റ്റ് ചെയ്തത്. നെടുമങ്ങാട് കോടതിയില്‍ ഹാജരാക്കിയ പ്രതിയെ റിമാൻഡു ചെയ്തു.
