മയാമി: പ്രസവത്തിനുശേഷം ടെന്നീസ് കോർട്ടിൽ തിരിച്ചെത്തിയ മുൻ ലോക ഒന്നാം നന്പർ സിംഗിൾസ് താരം അമേരിക്കയുടെ സെറീന വില്യംസ് മയാമി ഓപ്പണിന്‍റെ ആദ്യ റൗണ്ടിൽ പുറത്ത്. ജപ്പാന്‍റെ നഓമി ഒസാകയാണ് സെറീനയെ നേരിട്ടുള്ള സെറ്റുകൾക്ക് പരാജയപ്പെടുത്തിയത്. സ്കോർ: 6-3, 6-2.
നേരത്തേ ഇന്ത്യൻ വെൽസ് ഓപ്പണിന്‍റെ മൂന്നാം റൗണ്ടിൽ ചേച്ചി വീനസ് വില്യംസിനോട് സെറീന പരാജയപ്പെട്ടിരുന്നു. ഇന്ത്യൻ വെൽസ് കിരീടം സ്വന്തമാക്കിയശേഷമാണ് ഒസാക മയാമിയിൽ എത്തിയിരിക്കുന്നത്.
വിക്ടോറിയ അസാരെങ്ക, ഗർബിനെ മുഗുരുസ, ആൻഡ്രിയ പെറ്റ്കോവിക് തുടങ്ങിയവരും രണ്ടാം റൗണ്ടിൽ കടന്നു. അമേരിക്കയുടെ അമാൻഡ അനിസ്മോവ പരിക്കേറ്റ് പിന്മാറിയതിനെത്തുടർന്ന് മുഗുരുസയ്ക്ക് വാക്ക് ഓവർ ലഭിച്ചപ്പോൾ അസരെങ്കയുടെ ജയം 6-3, 6-3ന് ആയിരുന്നു. സിസി വെല്ലിസ് ആയിരുന്നു അസാരെങ്കയുടെ എതിരാളി.
