രാവിലെ ഉണരുമ്പോൾ മിക്ക ദിവസങ്ങളിലും നിങ്ങളെ സ്വാഗതം ചെയ്യുന്നത് ആകാശത്ത് ജ്വലിക്കുന്ന അഗ്നിഗോളമായ സൂര്യനാണ്. എന്നാൽ ഒന്നോ രണ്ടോ അല്ല ഏഴ് സൂര്യന്മാരെ ആകാശത്ത് കണ്ടാൽ എന്തായിരിക്കും അവസ്ഥ.
തെക്ക്-പടിഞ്ഞാറൻ ചൈനയിലെ സിചുവാൻ ചെങ്ഡുവിലാണ് വിചിത്രമായ സംഭവം രേഖപ്പെടുത്തിയിരിക്കുന്നത്. ഒരു ആശുപത്രിയുടെ പതിനൊന്നാം നിലയിൽ നിന്ന് മിസ് വാങ് എന്ന സ്ത്രീ ഏഴ് സൂര്യന്മാരുടെ ചിത്രം പകർത്തിയതെന്നാണ് റിപ്പോർട്ട്.
അസാധാരണമായ ദൃശ്യങ്ങൾ ആകാശത്ത് തുടർച്ചയായി ഏഴ് സൂര്യന്മാരെ കാണിച്ചു, ഓരോന്നും വ്യത്യസ്ത തീവ്രതയോടെ കത്തി ജ്വലിക്കുന്നു. റിപ്പോർട്ടുകൾ പ്രകാരം ഈ പ്രതിഭാസം വെറും 60 സെക്കൻഡ് നീണ്ടുനിൽക്കുകയും മനോഹരമായി കാണപ്പെടുകയും ചെയ്തു.
ഈ വിചിത്രമായ സംഭവം ഒരു കോസ്മിക് പ്രതിഭാസമല്ല, മറിച്ച് ഒരു ഒപ്റ്റിക്കൽ മിഥ്യയായിരുന്നു. ആശുപത്രി വിൻഡോയിലെ ഓരോ ഗ്ലാസ് പാളിയിലൂടെയും പ്രകാശത്തിന്‍റെ അപവർത്തനം കാരണം ദൃശ്യങ്ങൾ ഏഴ് സൂര്യന്മാരെ കാണിച്ചു. സൂര്യന്‍റെ ഈ വെർച്വൽ ഇമേജുകൾ സൃഷ്ടിച്ചു.
വീഡിയോ സോഷ്യൽ മീഡിയയിൽ വളരെ പെട്ടെന്ന് തന്നെ വൈറലായി. ‘ചൈനയിലെ സിച്ചുവാൻ ആകാശത്ത് ഏഴ് സൂര്യന്മാർ പ്രത്യക്ഷപ്പെടുന്നു’ എന്ന അടിക്കുറിപ്പോടെയാണ് വീഡിയോ പങ്കിട്ടിരിക്കുന്നത്.
സോഷ്യൽ മീഡിയ പ്ലാറ്റ്‌ഫോമുകളിൽ, വീഡിയോ വ്യാജമാണോ അതോ ഒരു പ്രത്യേക ഇഫക്റ്റ് സൃഷ്ടിക്കാൻ VFX ഉപയോഗിച്ചതാണോ എന്നും ഇൻ്റർനെറ്റ് ഉപയോക്താക്കൾ ചർച്ച ചെയ്തു. ‘ഗ്രാഫിക്സ് ആർട്ടിസ്റ്റുകൾക്ക് ചൈന എത്ര പണം നൽകി? ആകാശത്താണ് ഈ സംഭവം നടന്നതെങ്കിൽ പിന്നെ എന്തിനാണ് ഒരു വീഡിയോ ഇൻ്റർനെറ്റിൽ ലഭ്യമായത്? ആ നഗരത്തിൽ മൊബൈൽ ഫോണുകളും ക്യാമറകളും നിരോധിച്ചിട്ടുണ്ടോ? ഇതൊരു തുടക്കക്കാരനായ VFX വിദ്യാർഥിയുടെ വീഡിയോ പ്രോജക്റ്റ് മാത്രമാണ്’ എന്നിങ്ങനെയുള്ള കമന്‍റുകളാണ് വീഡിയോയ്ക്ക് വന്നത്.
