കോഴിക്കോട്: പോക്‌സോ കേസില്‍ അധ്യാപകൻ അറസ്റ്റിൽ. കുന്ദമംഗലം ഹയര്‍സെക്കൻഡറി സ്കൂള് അധ്യാപകൻ ഓമശ്ശേരി മങ്ങാട് പുത്തൂര്‍ കോയക്കോട്ടുമ്മല്‍ എസ് ശ്രീനിജ്(44) ആണ് അറസ്റ്റിലായത്. സ്കൂളിലെ രണ്ട് വിദ്യാര്‍ഥികള്‍ നല്‍കിയ പരാതിയിലാണ് നടപടി. വിദ്യാർഥിനികളോട് അടുത്തിടപഴകി ലൈംഗികാതിക്രമം നടത്തുകയായിരുന്നുവെന്നാണ് പരാതി.
പരാതി നൽകാൻ വിദ്യാർഥിനികളുടെ മാതാപിതാക്കള്‍ സകൂളിലെത്തിയപ്പോള്‍ അധ്യാപകന്‍ ഇവരെ മര്‍ദ്ദിക്കാന്‍ ശ്രമിച്ചു. കുന്ദമംഗലം ഇന്‍സ്‌പെക്ടര്‍ കിരണിന്‍റെ നിര്‍ദേശ പ്രകാരം എസ്‌ഐ നിധിന്‍റെ നേതൃത്വത്തിലുള്ള സംഘമാണ് ശ്രീനിജിനെ അറസ്റ്റ് ചെയ്തത്.
കോടതിയില്‍ ഹാജരാക്കിയ ഇയാളെ റിമാൻഡ് ചെയ്തു. അതേസമയം, സമാന കേസിൽ ഇയാള്‍ക്കെതിരേ താമരശേരി, കുന്നമംഗലം പോലീസ് സ്‌റ്റേഷനുകളിലായി കേസുകള്‍ നിലവിലുണ്ടെന്നാണ് ലഭിക്കുന്ന വിവരം.
