കൊച്ചി: കുസാറ്റിൽ യൂണിവേഴ്സിറ്റി മോഡൽ ആക്രമണം. വിദ്യാർഥിയെ കാറിടിപ്പിച്ച് വീഴ്ത്തിയ സംഭവത്തിലാണ് കാന്പസിൽ പ്രതിഷേധം ശക്തമായത്. എസ്എഫ്ഐ യൂണിറ്റ് സെക്രട്ടറിയും പ്രസിഡന്‍റും ചേർന്നാണ് ആക്രമിച്ചതെന്നാണ് ആരോപണം.
വിദ്യാർഥികൾ അഡ്മിനിസ്ട്രേറ്റീവ് ബ്ലോക്ക് ഉപരോധിക്കുകയാണ്. ഞായറാഴ്ച രാത്രിയിലാണ് നാലാം വർഷ വിദ്യാർഥിയെ കാറിടിച്ചു വീഴ്ത്താൻ ശ്രമിച്ചത്. തലയിലടക്കം പരിക്കേറ്റ വിദ്യാർഥി കളമശേരി മെഡിക്കൽ കോളജ് ആശുപത്രിയിൽ ചികിത്സയിലാണ്.
