കോട്ടയം: കോട്ടയം മെഡിക്കൽ കോളജിലെ എംബിബിഎസ് വിദ്യാർഥികളുടെ യൂണിയൻ തെരഞ്ഞെടുപ്പിനു പിന്നാലെ കോവിഡ് മാനദണ്ഡം കാറ്റിൽപ്പറത്തിയുള്ള വിജയാഘോഷത്തിൽ പോലീസ് കേസെടുത്തു.
ഇന്നലെ ഗാന്ധിനഗർ പോലീസ് മെഡിക്കൽ കോളജിലെത്തി അന്വേഷണം നടത്തി. കണ്ടാലറിയുന്ന 50 പേർക്കെതിരെയാണ് കേസെടുത്തത്.
മെഡിക്കൽ വിദ്യാർഥികളുടെ നേതൃത്വത്തിൽ ആഹ്ലാദ പ്രകടനം നടത്തിയത് ഗൗരവമേറിയ വീഴ്ചയെന്ന് ആരോപണം ഉയർന്നിരുന്നു.
കോളജ് യൂണിയൻ തെരഞ്ഞെടുപ്പ് ഫലം വന്നതിനു പിന്നാലെയായിരുന്നു നൂറോളം വിദ്യാർഥികളുടെ പ്രകടനം നടന്നത്. ഇതു ചിലർ സാമൂഹിക മാധ്യമങ്ങളിലൂടെ പ്രചരിപ്പിക്കുകയും ചെയ്തിരുന്നു.
