അങ്ങാടിപ്പുറം: തൊഴിലുറപ്പ് തൊഴിലാളിയായി അങ്ങാടിപ്പുറം പഞ്ചായത്തിൽ രാഷ്ട്രീയ സാംസ്ക്കാരിക സാമൂഹിക രംഗത്ത് നിറഞ്ഞു നിന്ന വനിത കോണ്ഗ്രസിന്റ പോഷക സംഘടനയായ മഹിളാ കോണ്ഗ്രസിന്റെ മലപ്പുറം ജില്ലാ പ്രസിഡന്‍റായി തെരഞ്ഞെടുക്കപ്പെട്ടു.
അങ്ങാടിപ്പുറം ചെരക്കാപറന്പിലെ പള്ളിപ്പുറത്ത് പി. ഷഹർബാനാണ് ksu വിലൂടെ കടന്നു വന്ന് പ്രവർത്തന മികവിൽ മഹിളാ കോണ്ഗ്രസിന്റെ സാരഥിയായി അംഗികാരം ലഭിച്ചത്.
കഴിഞ്ഞ തദ്ദേശ തെരഞ്ഞെടുപ്പിൽ അങ്ങാടിപ്പുറം ഡിവിഷനിൽ നിന്ന് ജില്ലാ പഞ്ചായത്തിലെന്ന് മത്സരിച്ചതോടെയാണ് ഷഹർബാൻ ശ്രദ്ധേയയായത്.
ഇടതുമുന്നണിയുടെ സിറ്റിംഗ് സീറ്റ് നാലായിരത്തോളം വോട്ടിന്റെ ഭൂരിപക്ഷത്തിൽ പിടിച്ചെടുത്തതോടെ ഷഹർബാൻ നേതൃത്വത്തിന് സുസമ്മതയായി മാറുകയായിരുന്നു.പ്രി -ഡിഗ്രി പഠന കാലത്ത്കെഎസ്‌‌യു വിലൂടെയാണ് പൊതുപ്രവർത്തന രംഗത്തെത്തിയത്.
പിന്നീട് മഹിളാ കോണ്ഗ്രസിന്റെ മണ്ഡലം-നിയോജക മണ്ഡലം പ്രസിഡന്‍റ്, ജില്ലാ സെക്രട്ടറി എന്നീ സ്ഥാനങ്ങൾ വഹിച്ചതിനു ശേഷമാണ് ഇപ്പോൾ ജില്ലാ പ്രസിഡന്‍റ്് പദവിയിലെത്തുന്നത്.
സേവാദൾ വനിതാ വിഭാഗം ജില്ലാ പ്രസിഡന്‍റ്്,ജവഹർ ബാൽ മഞ്ച് ജില്ലാ വൈസ് ചെയർമാൻ,അങ്ങാടിപ്പുറം ബ്ലോക്ക് കോണ്ഗ്രസ് ജനറൽ സെക്രട്ടറി, അങ്ങാടിപ്പുറം സർവീസ് സഹകരണ ബാങ്ക് ഡയറക്ടർ എന്നീ സ്ഥാനങ്ങളും വഹിക്കുന്നുണ്ട്. കുടുംബശ്രീ അയൽക്കൂട്ടം, എഡിഎസ്, സിഡിഎസ് എന്നിവയിലെ അംഗവുമാണ്. മൊയ്തീൻ കുട്ടിയാണ് ഭർത്താവ്.
