ഷാ​ഹി​ദ കൊ​ല​പാ​ത​കം; ഭിന്നശേഷിക്കാ രനായ തനിക്ക് രണ്ട് കൊലപാതകം നടത്താൻ കഴിയില്ലെന്ന് പ്രതി; ശാ​രീ​രി​ക ക്ഷ​മ​ത പരിശോധിക്കാൻ തയാറായി പോലീസും

കോ​ഴി​ക്കോ​ട്: ര​ണ്ടാം ഭാ​ര്യ​യെ കൊ​ല​പ്പെ​ടു​ത്തി വീ​ട്ടി​ൽ ത​ള്ളി​യ​ശേ​ഷം ഒ​ന്ന​ര വ​യ​സു​ള്ള പി​ഞ്ചു കു​ഞ്ഞി​നെ കൊ​ന്ന് ക​നാ​ലി​ല്‍ താ​ഴ​ത്തി​യ പ്ര​തി​യെ ഇ​ന്ന് വൈ​ദ്യ പ​രി​ശോ​ധ​ന​യ്ക്ക് വി​ധേ​യ​മാ​ക്കും. കു​ന്ന​മം​ഗ​ലം ക​ള​രി​ക്ക​ണ്ടി​യി​ലെ ആ​ലും​തോ​ട്ട​ത്തി​ല്‍ ഷാ​ഹി​ദ​യെ​യും (34), ഇ​വ​രു​ടെ കു​ഞ്ഞി​നെ​യും നി​ഷ്ഠൂ​ര​മാ​യി കൊ​ല​പ്പെ​ടു​ത്തി​യ വ​ട​ക​ര മ​ട​പ്പ​ള്ളി സ്വ​ദേ​ശി അ​ബ്ദു​ല്‍ ബ​ഷീ​ർ(46)  ന്‍റെ ശാ​രീ​രി​ക ക്ഷ​മ​ത പ​രി​ശോ​ധി​ക്കാ​നാ​ണ് പോ​ലീ​സ് ഇ​ന്ന് പ​രി​ശോ​ധ​ന ന​ട​ത്തു​ന്ന​ത്.

ഭി​ന്ന​ശേ​ഷി​ക്കാ​രാ​നാ​യ ത​നി​ക്ക് ര​ണ്ട് കൊ​ല​പാ​ത​ക​ങ്ങ​ൾ ന​ട​ത്താ​ൻ ക​ഴി​യി​ല്ലെ​ന്ന വാ​ദ​ത്തി​ൽ ബ​ഷീ​ർ ഉ​റ​ച്ച് നി​ൽ​ക്കു​ന്ന​തി​നാ​ലാ​ണ് കാ​യി​ക ക്ഷ​മ​ത പ​രി​ശോ​ധി​ക്കാ​ൻ പോ​ലീ​സ് തീ​രു​മാ​നി​ച്ച​ത്. കോ​ട​തി​യു​ടെ അ​നു​മ​തി​യോ​ടെ ഇ​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ വ​ച്ച് ഇ​യാ​ളു​ടെ കാ​യി​ക ക്ഷ​മ​ത പ​രി​ശോ​ധി​ക്കാ​നാ​ണ് പോ​ലീ​സ് തീ​രു​മാ​നം. ഭി​ന്ന​ശേ​ഷി​ക്കാ​രാ​നാ​യ പ്ര​തി​ക്ക് ര​ണ്ട് പേ​രു​ടെ കൊ​ല​പാ​ത​ങ്ങ​ൾ ന​ട​ത്താ​ൻ വേ​ണ്ട ശാ​രീ​രി​ക പ്രാ​പ്തി​യു​ണ്ടോ​യെ​ന്ന് ഡോ​ക്ട​ർ​മാ​രു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​യി​രി​ക്കും പോ​ലീ​സി​ന്‍റെ തു​ട​ർ ന​ട​പ​ടി.

അ​തേ​സ​മ​യം, ബ​ഷീ​റി​നെ കു​ന്ന​മം​ഗ​ല​ത്തെ വീ​ട്ടി​ൽ എ​ത്തി​ച്ച് ഇ​ന്ന് തെ​ളി​വെ​ടു​പ്പ് ന​ട​ത്തും. ഫോ​റ​ൻ​സി​ക് വി​ദ​ഗ്ധ​ർ അ​ട​ങ്ങു​ന്ന സം​ഘ​മാ​ണ് ഇ​ന്ന് കു​ന്ന​മം​ഗ​ല​ത്തെ വീ​ട്ടി​ൽ തെ​ളി​വെ​ടു​പ്പ് ന​ട​ത്തു​ക. കു​ട്ടി​യു​ടെ സ്വ​ർ​ണാ​ഭ​ര​ണ​ങ്ങ​ൾ കോ​ഴി​ക്കോ​ട്ടെ ഒ​രു ജ്വ​ല്ല​റി​യി​ൽ കൊ​ണ്ടു പോ​യി വി​റ്റ​താ​യാ​ണ് മൊ​ഴി ന​ൽ​കി​യി​ട്ടു​ള്ള​ത്. ജ്വ​ല്ല​റി​യി​ലും ഇ​ന്ന് പോ​ലീ​സ് എ​ത്തി തെ​ളി​വെ​ടു​പ്പ് ന​ട​ത്തു​മെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ർ അ​റി​യി​ച്ചു. മ​റ്റു ര​ണ്ടു ഭാ​ര്യ​മാ​രും കു​ട്ടി​ക​ളു​മു​ള്ള അ​ബ്ദു​ൾ ബ​ഷീ​ർ ഷാ​ഹി​ദ​യു​ടെ ഫോ​ണി​ൽ വ​രു​ന്ന കോ​ളു​ക​ളെ ചൊ​ല്ലി​യാ​ണ് ത​ർ​ക്കം രൂ​ക്ഷ​മാ​യി​രു​ന്ന​ത്.

ത​നി​ക്ക് ഷാ​ഹി​ദ​യെ സം​ശ​യ​മു​ണ്ടാ​യി​രു​ന്ന​താ​യും ബ​ഷീ​ർ പോ​ലീ​സി​ന് മൊ​ഴി ന​ൽ​കി​യി​ട്ടു​ണ്ട്. ക​ഴി​ഞ്ഞ തി​ങ്ക​ളാ​ഴ്ച​യാ​ണ് നാ​ടി​നെ ന​ടു​ക്കി​യ കൊ​ല​പാ​ത​ക​ങ്ങ​ള്‍ ന​ട​ന്ന​ത്. ക​ള​രി​ക്ക​ണ്ട​യി​ലെ ഒ​റ്റ​മു​റി വീ​ട്ടി​ല്‍ താ​മ​സി​ക്കു​ന്ന ഷാ​ഹി​ദ​യു​ടെ മൃ​ത​ദേ​ഹം വൈ​കി​ട്ടോ​ടെ​യാ​ണു നാ​ട്ടു​കാ​ര്‍ ക​ണ്ടെ​ത്തി​യ​ത്. ആ​ദ്യ​ഘ​ട്ട​ത്തി​ല്‍ ആ​ത്മ​ഹ​ത്യ​യെ​ന്നാ​യി​രു​ന്നു നാ​ട്ടു​കാ​ര്‍ ക​രു​തി​യ​ത്. എ​ന്നാ​ല്‍ അ​ബ്ദു​ല്‍ ബ​ഷീ​റി​നെ​യും കു​ഞ്ഞി​നെ​യും കാ​ണാ​താ​യ​തോ​ടെ ദു​രൂ​ഹ​ത വ​ര്‍​ധി​ച്ചു.

ബ​ഷീ​റി​നെ കാ​ണാ​താ​യ​തോ​ടെ യു​വ​തി​യെ കൊ​ല​പ്പെ​ടു​ത്തി​യ​തി​നു പി​ന്നി​ല്‍ പ​ങ്കു​ണ്ടെ​ന്നു പോ​ലീ​സ് സ്ഥി​രീ​ക​രി​ച്ചു. തു​ട​ര്‍​ന്നു സി​റ്റി പോ​ലീ​സ് ക​മ്മി​ഷ​ണ​ര്‍ ജെ. ​ജ​യ​നാ​ഥി​ന്‍റെ  നി​ര്‍​ദേ​ശ പ്ര​കാ​രം നോ​ർ​ത്ത് അ​സി.​ക​മ്മീ​ഷ​ണ​ർ ഇ.​പി. പൃ​ഥ്വി​രാ​ജ് ,ചേ​വാ​യൂ​ര്‍ സി​ഐ കെ.​കെ. ബി​ജു എ​ന്നി​വ​രു​ടെ  നേ​തൃ​ത്വ​ത്തി​ല്‍ ആ​റു സ്‌​ക്വാ​ഡു​ക​ള്‍ രൂ​പീ​ക​രി​ച്ചു അ​ന്വേ​ഷ​ണം ന​ട​ത്തി.
ക​ഴി​ഞ്ഞ ദി​വ​സം വൈ​കു​ന്നേ​ര​ത്തോ​ടെ പാ​ല​ക്കാ​ട് ക​ല്ല​ടി​ക്കോ​ടു നി​ന്നാ​ണ്   ബ​ഷീ​ര്‍ പി​ടി​യി​ലാ​യ​ത്.

തു​ട​ര്‍​ന്ന് വി​ശ​ദ​മാ​യി ചോ​ദ്യം ചെ​യ്ത​പ്പോ​ഴാ​ണ് കൊ​ല​പാ​ത​ക​ങ്ങ​ളു​ടെ ചു​രു​ള​ഴി​ഞ്ഞ​ത്.  ഇ​ന്ന​ലെ രാ​വി​ലെ ഏ​ഴോ​ടെ പ്ര​തി​യെ അ​ര​യി​ട​ത്തു​പാ​ല​ത്ത് മൃ​ത​ദേ​ഹം ഉ​പേ​ക്ഷി​ച്ച സ്ഥ​ല​ത്തെ​ത്തി​ച്ചു പ​രി​ശോ​ധ​ന ന​ട​ത്തി​യാ​ണു  മ​ക​ളു​ടെ മൃ​ത​ദേ​ഹം ക​ണ്ടെ​ത്തി​യ​ത്.