തെലുങ്ക് സിനിമയിലെ വിലയേറിയ സൂപ്പര്‍ താരമാണ് അല്ലു അര്‍ജുൻ. തമിഴിലും മലയാളത്തിലും കന്നഡയിലുമൊക്കെ അല്ലു അർജുന് ആരാധകരേറെയുണ്ട്.
എന്നാൽ അല്ലു അർജുനെ തനിക്ക് അറിയില്ലെന്നാണ് നടി ഷക്കീല പറയുന്നത്. ഒരു അഭിമുഖത്തിനിടെയാണ് അല്ലു അര്‍ജുന്‍ ആരാണെന്ന് തനിക്ക് അറിയില്ലെന്ന് ഷക്കീല പറഞ്ഞത്.
തെലുങ്ക് സൂപ്പര്‍ താരങ്ങളായ മഹേഷ് ബാബു, ജൂനിയര്‍ എന്‍ടിആർ, അല്ലു അര്‍ജുന്‍ എന്നിവരെ കുറിച്ച് ഒരു അഭിമുഖത്തിനിടെയാണ് ഷക്കീലയോട് ചോദ്യമുണ്ടായത്. മഹേഷ് ബാബുവിനെ താൻ സഹോദരനെ പോലെയാണ് കാണുന്നതെന്ന് ഷക്കീല പറഞ്ഞു.
ജൂനിയര്‍ എന്‍ടിആര്‍ ആകട്ടെ ഒരു നല്ല നർത്തകനാണെന്നാണ് ഷക്കീല അഭിപ്രായപ്പെട്ടത്. അതേസമയം അല്ലു അര്‍ജുനെ അറിയില്ലെന്നാണ് ഷക്കീല പറഞ്ഞത്.
ഷക്കീലയുമായുള്ള അഭിമുഖത്തിന്‍റെ വീഡിയോ സോഷ്യല്‍ മീഡിയയില്‍ വൈറലായതോടെ അല്ലു അർജുന്‍റെ ആരാധകർ ഷക്കീലയ്ക്കെതിരെ വിമർശനവുമായി എത്തിയിരിക്കുകയാണ്.
അതേസമയം മഹേഷ് ബാബുവിന്‍റെ ആരാധകരാകട്ടെ ഷക്കീലയെ പിന്തുണയ്ക്കുകയാണ്.
