ചെന്നൈ: വാക്കുതർക്കത്തെ തുടർന്നു നടി ഷക്കീലയെ വളര്‍ത്തുമകളായ ശീതള്‍ മര്‍ദിച്ചു. ഷക്കീലയുടെ അഭിഭാഷക സൗന്ദര്യയ്ക്കും മർദ്ദനമേറ്റു. ശനിയാഴ്ച വൈകുന്നേരമായിരുന്നു സംഭവം.
മർദ്ദനമേറ്റ സൗന്ദര്യ ചെന്നൈയിലെ ആശുപത്രിയിൽ ചികിത്സ തേടി. സൗന്ദര്യയുടെ പരാതിയിൽ കോയന്പേട് പോലീസ് കേസെടുത്തു. ഷക്കീലയെ മര്‍ദിച്ച ശേഷം ശീതള്‍ കോടമ്പാക്കത്തുള്ള ബന്ധുക്കളുടെ വീട്ടിലേക്ക് പോയി. ഷക്കീലയ്ക്കെതിരേ ശീതളിന്‍റെ ബന്ധുക്കളും പോലീസില്‍ പരാതി നല്‍കിയിട്ടുണ്ട്. ചെന്നൈയിലെ കോടമ്പാക്കം യുണൈറ്റഡ് ഇന്ത്യ കോളനിയിലാണ് നടി ഷക്കീല താമസിക്കുന്നത്. ഇവിടെവച്ചായിരുന്നു മർദനമേറ്റത്.
ശീതളും മാതാവും സഹോദരിയും തന്നെ മര്‍ദിച്ചതായാണ് ഷക്കീലയുടെ പരാതി. കുടുംബ പ്രശ്‌നവും സാമ്പത്തിക തര്‍ക്കവുമാണ് മര്‍ദനത്തിലേക്ക് നയിച്ചതെന്നാണ് റിപ്പോര്‍ട്ടുകള്‍.
