മലയാള സിനിമയിലെ മികച്ച പ്രണയജോഡികളായിരുന്നു കുഞ്ചാക്കോ ബോബനും ശാലിനിയും. അനിയത്തിപ്രാവ്, നക്ഷത്രത്താരാട്ട്, നിറം എന്ന് തുടങ്ങിയ ചിത്രങ്ങളിലൂടെ ഇന്നും മലയാള സിനിമാ പ്രേമികളുടെ മനസിൽ നിറഞ്ഞുനിൽക്കുന്ന ഈ താരങ്ങളായിരുന്നു ഇവർ.
ജീവിതത്തിലും ഈ ജോഡികൾ ഒന്നിക്കുമെന്നായിരുന്നു പലരും അന്ന് കരുതിയത്. എന്നാൽ ചാക്കോച്ചൻ തന്‍റെ നല്ല സുഹൃത്തു മാത്രമായിരുന്നുവെന്നു തുറന്നു പറയുകയാണ് ശാലിനി.
സിനിമയിൽ അല്ലാതെ ഒരിക്കൽ പോലും ചാക്കോച്ചനോട് പ്രണയം തോന്നിയിരുന്നില്ല. അനിയത്തിപ്രാവ് എന്ന സിനിമ കഴിഞ്ഞ് നിരവധി ചിത്രങ്ങളിൽ ഞാനും ചാക്കോച്ചനും ഒന്നിച്ചഭിനയിച്ചു.
അതിനാൽ പലരും അന്ന് ചോദിച്ചിരുന്നത് നിങ്ങളുടെ കല്ല്യാണം എന്നാണെന്നായിരുന്നു. ചാക്കോച്ചനോടും പലരും ഈ ചോദ്യം ചോദിച്ചതായി ചാക്കോച്ചനും എന്നോട് പറഞ്ഞിട്ടുണ്ട്.
ചാക്കോച്ചനും എന്നോട് പ്രണയം ഉണ്ടായിരുന്നില്ലെന്നില്ല. എന്നാൽ എന്‍റെ ചില കൂട്ടുകാരികൾക്ക് ചാക്കോച്ചനെ ഇഷ്ടമായിരുന്നു. അതിലൊരാൾ അവളുടെ പ്രണയം ചാക്കോച്ചനെ അറിയിക്കാൻ എന്നെ നിർബന്ധിച്ചിരുന്നു.
എന്നാൽ അത് ചിലപ്പോ സൗഹൃദത്തെ ബാധിക്കുമെന്ന് തോന്നിയതിനാൽ ഞാനത് പറഞ്ഞില്ല- ശാലിനി പറഞ്ഞുപിന്നീട് തമിഴ് സൂപ്പർതാരം അജിത്തുമായി ശാലിനി പ്രണയത്തിലാവുകയും വിവാഹിതരാകുകയും ചെയ്തു.
അതോടെ അഭിനയരംഗത്തു നിന്നു മാറിനിൽക്കുകയാണ് താരം.
-പി.ജി
