ഇൻസ്റ്റഗ്രമിൽ തന്‍റെ പേരിൽ വ്യാജ അക്കൗണ്ട് നിർമിച്ച് അതിലൂടെ മറ്റുള്ളവരുമായി വളരെ മോശമായ രീതിയിൽ ചാറ്റുകൾ നടക്കുന്നുവെന്ന പരാതിയുമായി നടി ഷാലു കുര്യൻ.
ഇൻസ്റ്റഗ്രം പേജിൽ ലൈവിലെത്തിയാണ് താരത്തിന്‍റെ പ്രതികരണം. ജിൻസി എന്ന പേരിലുള്ള ഐഡിയിൽ നിന്നാണ് തന്‍റെ പേരിൽ അശ്ലീല ചാറ്റുകൾ നടക്കുന്നത്.
തന്‍റെ ചിത്രങ്ങൾ അടക്കം ഈ അക്കൗണ്ടിൽ പങ്കുവച്ചിട്ടുണ്ടെന്നും മോശം ചാറ്റ് ശ്രദ്ധയിൽപ്പെട്ടവർ സ്ക്രീൻഷോട്ടുകൾ എടുത്ത് തനിക്ക് അയച്ചുതന്നുവെന്നും ഷാലു പറയുന്നു.
ഇക്കാര്യം സൂചിപ്പിച്ച് സൈബർ സെല്ലിനും പോലീസിനും പരാതി നൽകിയിട്ടുണ്ടെന്നും ഷാലു ലൈവിലെത്തി പറയുന്നു.
ഫേസ്ബുക്കിലും ഇൻസ്റ്റഗ്രമിലും മാത്രമാണ് തനിക്ക് അക്കൗണ്ടുകളുള്ളതെന്നും അക്കൗണ്ടുകൾ സുഹൃത്തുക്കളുടെ സഹായത്തോടെയാണ് കൈകാര്യം ചെയ്യുന്നതെന്നും ഷാലു പറഞ്ഞു.
