മലയാളികൾക്കൊപ്പം തെന്നിന്ത്യൻ പ്രേക്ഷകരുടെയും പ്രിയതാരമാണ് ഷംന കാസിം. നൃത്ത വേദികളിലൂടെയാണ് ഷംന പ്രേക്ഷകരുടെ പ്രിയങ്കരിയാവുന്നത്.
2004 മുതല്‍ സിനിമയിലുണ്ടെങ്കിലും നര്‍ത്തകിയായിട്ടാണ് നടിയെ ആദ്യം അറിയപ്പെട്ടത്. മലയാളത്തില്‍ മാത്രമല്ല തെന്നിന്ത്യന്‍ സിനിമാ ലോകത്തും മിനിസ്‌ക്രീനിലും നടി സജീവമാണ്.
സോഷ്യല്‍ മീഡിയയിലും സജീവമായ ഷംന കാസിം തന്‍റെ സിനിമാ വിശേഷങ്ങളും സന്തോഷങ്ങളുമെല്ലാം സമൂഹമാധ്യമങ്ങളില്‍ പങ്കുവെയ്ക്കാറുണ്ട്.
ഇതെല്ലാം ചെറിയ സമയം കൊണ്ട് പ്രേക്ഷകരുടെ ഇടയില്‍ ഇടംപിടിക്കാറുമുണ്ട്. ഇപ്പോഴിതാ സമൂഹമാധ്യമങ്ങളില്‍ വൈറല്‍ ആവുന്നത് താരം പങ്കുവെച്ച പുതിയൊരു ചിത്രമാണ്.
ജീവിതത്തിന്‍റെ പുതിയ ഘട്ടത്തിലേക്ക് കടക്കാന്‍ ഒരുങ്ങുകയാണ് താരം. ഷംന വിവാഹിതയാവുകയാണ്. ഷാനിദ് ആസിഫ് അലി ആണ് വരന്‍.
ഷാനിദിനോടൊപ്പമുള്ള ചിത്രം പങ്കുവെച്ച് കൊണ്ടാണ് സന്തോഷ വാര്‍ത്ത പങ്കുവെച്ചിരിക്കുന്നത്. കുടുംബത്തിന്‍റെ അനുഗ്രഹത്തോടെ ജീവിതത്തിന്‍റെ പുതിയൊരു ഘട്ടത്തിലേക്ക് കടക്കുന്നു എന്ന് കുറിച്ച് കൊണ്ടാണ് വിവാഹ വാര്‍ത്ത ഔദ്യോഗികമായി അറിയിച്ചത്.
ഷംനയ്ക്ക് ആശംസയുമായി തെന്നിന്ത്യന്‍ സിനിമാ ലോകവും ആരാധകരും എത്തിയിട്ടുണ്ട്. നടിക്കും ഷാനിദിനും നല്ലൊരു ജീവിതം ആശംസിക്കുന്നുണ്ട്. വരനെ കുറിച്ചുള്ള കൂടുതല്‍ വിവരം വെളിപ്പെടുത്തിയിട്ടില്ല.
ഷംനയുടേയും ഷാനിദിന്‍റെയും ചിത്രം സോഷ്യല്‍ മീഡിയയിലും സിനിമാ കോളങ്ങളിലും വൈറല്‍ ആയിട്ടുണ്ട്. സിമ്പിള്‍ ലുക്കിലാണ് ഇരുവരും പ്രത്യക്ഷപ്പെട്ടിരിക്കുന്നത്. പിങ്ക് നിറത്തിലുള്ള കുര്‍ത്തയാണ് ഷംന ധരിച്ചിരിക്കുന്നത്.
പേളി മാണി, ശില്‍പ ബാല, റിമി ടോമി, ലക്ഷ്മി നക്ഷത്ര, പ്രിയ മണി, പാരീസ് ലക്ഷ്മി, പ്രിയങ്ക നായര്‍. നീരവ് തുടങ്ങിയവര്‍ ഷംനയ്ക്ക് ആശംസ അറിയിച്ചിട്ടുണ്ട്.
വിവാഹത്ത കുറിച്ചുളള മറ്റ് വിവരങ്ങള്‍ പുറത്ത് വന്നിട്ടില്ല. ഉടനെ അറിയാന്‍ സാധിക്കുമെന്നാണ് വിവരം. വിവാഹത്തിന് തനിക്ക് വലിയ ധൃതിയില്ലെന്ന് ഷംന അടുത്തയിടെ നല്‍കിയ ഒരു അഭിമുഖത്തില്‍ പറഞ്ഞിരുന്നു.
എന്നാല്‍ വീട്ടുകാര്‍ തിരക്കിട്ട് ആലോചനകള്‍ നോക്കുകയാണെന്നും അന്ന് കൂട്ടിച്ചേർത്തിരുന്നു.
