ഒരുപിടി ചിത്രങ്ങളിലൂടെ മലയാളികൾക്ക് പ്രിയങ്കരിയായി മാറിയ നടിയാണ് ഷംന കാസിം. മലയാളത്തിനു പുറമേ മറുഭാഷകളിലും തിളങ്ങാൻ ഷംനയ്ക്ക് കഴി‌ഞ്ഞു.
ഇപ്പോഴിതാ, മറ്റു ഭാഷകളില്‍ ലഭിക്കുന്നതു പോലെ നല്ല റോളുകള്‍ മലയാളത്തില്‍ ലഭിക്കാത്തതില്‍ തനിക്ക് അദ്ഭുതം തോന്നുന്നുവെന്ന് പറയുകയാണ് നടി.
ചില മലയാളം സിനിമകള്‍ കാണുമ്പോള്‍ അതിനെപ്പറ്റി ചിന്തിക്കാറുണ്ടെന്നും ഇതെല്ലായ്പ്പോഴും തനിക്കൊരു ചോദ്യചിഹ്നമാണെന്നും ഷംന കൂട്ടിച്ചേർത്തു.
“ജോസഫ് സിനിമയുടെ തമിഴ് റീമേക്ക് തന്നെ എടുക്കുക. അഭിനയ കേന്ദ്രീകൃതമായ കഥാപാത്രമാണ് ഞാന്‍ ചെയ്യുന്നത്.
ഇത് എനിക്ക് തമിഴില്‍ ചെയ്യാമെങ്കില്‍ എന്തുകൊണ്ട് മലയാളത്തില്‍ ചെയ്തു കൂടാ? എനിക്കിതുവരെ ഇതിനൊരു ഉത്തരം ലഭിച്ചിട്ടില്ല.
ചിലര്‍ എന്നോട് പറഞ്ഞത് ഞാന്‍ ഒരുപാട് സ്റ്റേജ് ഷോകള്‍ ചെയ്യുന്നതു കൊണ്ടും എന്നെ കാണാന്‍ മലയാളിയെ പോലല്ലാത്തതു കൊണ്ടാണെന്നുമൊക്കെയാണ്..’- ഷംന പറയുന്നു.
