മമ്മൂട്ടിയും മോഹന്‍ലാലും സൂപ്പര്‍സ്റ്റാറുകള്‍ ആകുന്നതിനു മുന്പ് മലയാളത്തില്‍ സൂപ്പര്‍സ്റ്റാറായിരുന്നു ശങ്കര്‍. ഞാന്‍ രണ്ടാമതോ മൂന്നാമതോ അഭിനയിക്കുന്ന ഓടരുതമ്മാവാ ആളറിയാം എന്ന ചിത്രത്തില്‍ ശങ്കറും ഉണ്ടായിരുന്നു.
അന്നൊക്കെ അദ്ദേഹത്തിന് പിന്നാലെ ആളുകള്‍ ഓടി കൊണ്ടിരിക്കുകയാണ്. മഞ്ഞില്‍വിരിഞ്ഞപൂവ് എന്ന സിനിമ കേരളത്തില്‍ ഹിറ്റായി ഓടുമ്പോള്‍ ശങ്കര്‍ തമിഴില്‍ അഭിനയിച്ച ചിത്രവും അവിടെ ഹിറ്റായി ഓടി.
ഒരേ സമയം രണ്ടു ഭാഷയില്‍ സൂപ്പര്‍സ്റ്റാറായി രംഗപ്രവേശം ചെയ്യുക എന്നു പറയുന്ന ഭാഗ്യം വളരെ അപൂർവം നടന്മാര്‍ക്കേ ലഭിക്കൂ.
ശങ്കറിന്‍റെ സ്വഭാവം മോശമായതോ, അദ്ദേഹം അഭിനയിച്ച സിനിമകള്‍ ഹിറ്റാവാതെ ഇരിക്കുകയോ ഒന്നും ചെയ്തിട്ടില്ല. പിന്നെ എങ്ങനെയാണ് അദ്ദേഹത്തിന്റെ സൂപ്പര്‍സ്റ്റാര്‍ പദവി നഷ്ടമായത് എന്നാണ് ഞാന്‍ ചിന്തിച്ചത്.
അത്രയും പാവമായി ഇരുന്നാല്‍ കാര്യങ്ങള്‍ നല്ല രീതിയില്‍ പോവില്ല. മത്സരം നടക്കുന്ന ഇന്‍ഡസ്ട്രിയില്‍ എല്ലാവരെയും വിശ്വസിച്ചുനിന്നാല്‍ പിന്നെ പണി കിട്ടും.
കുറഞ്ഞ പക്ഷം നമ്മുക്ക് ഒരാള്‍ പാരവയ്ക്കാന്‍ വരികയാണെങ്കില്‍ അതു മനസിലാക്കാനെങ്കിലും സാധിക്കണം. കുറച്ചു നിഷ്‌കളങ്കത കൂടിപ്പോയതുകൊണ്ട് ഒ രാള്‍ക്ക് ദോഷം വരികയാണ്. –മുകേഷ്
