സിഡ്നി: ഓസ്ട്രേലിയൻ ഓപ്പണിലെ ആദ്യ റൗണ്ട് പോരാട്ടത്തിൽ മുൻ ചാന്പ്യൻ മരിയ ഷറപ്പോവയ്ക്കു ജയം.റോഡ് ലേവർ അരീനയിൽ നടന്ന മത്സരത്തിൽ ബ്രിട്ടന്റെ ഹാരിയറ്റ് ഡാർട്ടിനെ 6-0, 6-0 എന്ന സ്കോറിനു തറപറ്റിച്ചാണ് ഷറപ്പോവ രണ്ടാം റൗണ്ടിലേക്കു മുന്നേറിയത്. മത്സരം വെറും 31 മിനിറ്റ് മാത്രമാണ് നീണ്ടത്.
രണ്ടാം റൗണ്ടിൽ ഷറപ്പോവ സ്വീഡന്റെ റെബേക്ക പാറ്റേഴ്സണെ നേരിടും.2008 ഓസ്ട്രേലിയൻ ഓപ്പണ് ജേതാവായ ഷറപ്പോവ, ടൂർണമെന്റിൽ 30-ാം സീഡാണ്.
