ഷാ​രോ​ൺ വധം: ത​മി​ഴ്നാ​ട് പോലീ​സ് അ​ന്വേ​ഷി​ക്കു​ന്ന​താ​കും  ഉ​ചി​ത​മെ​ന്ന് എജിയുടെ നിയമോപദേശം; ഷാ​രോ​ണും ഗ്രീ​ഷ്മ​യും താ​മ​സിച്ച റിസോർട്ടിൽ തെളിവെടുപ്പ്

തി​രു​വ​ന​ന്ത​പു​രം: പാ​റ​ശാ​ല​യി​ലെ ഷാ​രോ​ൺ രാ​ജ് വ​ധ​ക്കേ​സ് ത​മി​ഴ്നാ​ട് പൊ​ലീ​സ് അ​ന്വേ​ഷി​ക്കു​ന്ന​താ​കും ഉ​ചി​ത​മെ​ന്ന് അ​ഡ്വ​ക്കേ​റ്റ് ജ​ന​റ​ൽ നി​യ​മോ​പ​ദേ​ശം ന​ൽ​കി.

ഇ​തോ​ടെ ഷാ​രോ​ണ്‍ വ​ധ​ക്കേ​സ് അ​ന്വേ​ഷ​ണം ത​മി​ഴ്‌​നാ​ട് പൊ​ലീ​സി​ന് കൈ​മാ​റാ​ൻ സാ​ധ്യ​ത​യേ​റി. കു​റ്റ​കൃ​ത്യം ന​ട​ന്ന​ത് ത​മി​ഴ്നാ​ട്ടി​ലാ​യ​തി​നാ​ൽ അ​ന്വേ​ഷ​ണം കേ​ര​ള​ത്തി​ൽ ന​ട​ത്തി​യാ​ൽ കു​റ്റ​പ​ത്രം ന​ൽ​കി​ക്ക​ഴി​യു​മ്പോ​ൾ പ്ര​തി ഭാ​ഗം കോ​ട​തി​യി​ൽ സാ​ങ്കേ​തി​ക പ്ര​ശ്ന​ങ്ങ​ൾ ഉ​ന്ന​യി​ക്കാ​നു​ള്ള സാ​ധ്യ​ത​യു​ണ്ടെ​ന്നാ​ണ് അ​ഡ്വ​ക്കേ​റ്റ് ജ​ന​റ​ലി​ന്‍റെ വി​ല​യി​രു​ത്ത​ൽ.

ഡി​ജി​പി ഓ​ഫീ​സി​ന്‍റെ കൂ​ടി അ​ഭി​പ്രാ​യം ആ​രാ​ഞ്ഞ ശേ​ഷ​മാ​ണ് എ​ജി​യു​ടെ നി​യ​മോ​പ​ദേ​ശം. കു​റ്റ​കൃ​ത്യം ത​മി​ഴ്നാ​ട്ടി​ൽ ന​ട​ക്കു​ക​യും ഷാ​രോ​ണി​ന്‍റെ മ​ര​ണം കേ​ര​ള​ത്തി​ൽ സം​ഭ​വി​ക്കു​ക​യു​മാ​ണു​ണ്ടാ​യ​ത്.

കേ​ര​ള പൊ​ലീ​സി​ന്‍റെ അ​ന്വേ​ഷ​ണ​ത്തി​ന് നി​യ​മ​ത​ട​സ​മി​ല്ലെ​ങ്കി​ലും ഒ​രേ സ​മ​യം കേ​ര​ളാ ത​മി​ഴ്‌​നാ​ട് പൊ​ലീ​സു​ക​ളു​ടെ അ​ന്വേ​ഷ​ണം നി​ല​നി​ല്‍​ക്കി​ല്ലെ​ന്നും എ​ജി​യു​ടെ നി​യ​മോ​പ​ദേ​ശ​ത്തി​ൽ പ​റ​യു​ന്നു.

ത​മി​ഴി​നാ​ട്ടി​ൽ തെ​ളി​വെ​ടു​പ്പ്
ഷാ​രോ​ണ്‍ കൊ​ല​ക്കേ​സി​ലെ മു​ഖ്യ​പ്ര​തി ഗ്രീ​ഷ്മ​യെ ഇ​ന്ന് ത​മി​ഴ്നാ​ട്ടി​ലെ വി​വി​ധ​യി​ട​ങ്ങ​ളി​ല്‍ എ​ത്തി​ച്ച് തെ​ളി​വെ​ടു​പ്പ് ന​ട​ത്തി​യേ​ക്കും.

ഷാ​രോ​ണും ഗ്രീ​ഷ്മ​യും താ​മ​സി​ച്ചെ​ന്ന് പ​റ​യു​ന്ന തൃ​പ്പ​ര​പ്പി​ലെ റി​സോ​ര്‍​ട്ടി​ലും ഇ​രു​വ​രും ഒ​ന്നി​ച്ചു​പോ​യ മാ​ര്‍​ത്താ​ണ്ഡ​ത്തും തെ​ളി​വെ​ടു​പ്പ് ന​ട​ത്തും.

അ​തേ സ​മ​യം ഗ്രീ​ഷ്മ​യു​ടെ അ​മ്മ സി​ന്ധു, അ​മ്മാ​വ​ന്‍ നി​ര്‍​മ​ല്‍ കു​മാ​ര്‍ എ​ന്നി​വ​രു​ടെ ക​സ്റ്റ​ഡി കാ​ലാ​വ​ധി ഇ​ന്ന് അ​വ​സാ​നി​ക്കും.

പാ​റ​ശാ​ല സ്വ​ദേ​ശി​യാ​യ ഷാ​രോ​ൺ രാ​ജ് ഒ​ക്ടോ​ബ​ർ 25നാ​ണ് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലി​രി​ക്കെ മ​രി​ക്കു​ന്ന​ത്.