കാഞ്ഞങ്ങാട്: നഗരത്തിലെ പതിമൂന്നോളം ഹോട്ടലുകളിലും തട്ടുകടകളിലും നഗരസഭ ആരോഗ്യ വിഭാഗത്തിന്‍റെ നേതൃത്വത്തില്‍ പരിശോധന നടത്തി.
നോബിൾ ഹോട്ടലിൽ നിന്ന് പഴകിയ ഷവർമയും നിരോധിത പ്ലാസ്റ്റിക്കും പിടിച്ചെടുത്തു. ലൈസൻസ് ഇല്ലാതെ പ്രവർത്തിക്കുന്ന ഹോട്ടലുകൾ അടച്ചു പൂട്ടാന്‍ നിർദേശം നൽകി.
ഹെൽത്ത് സൂപ്പർവൈസർ കെ.പി. ഷൈൻ ജോസ്, ഒന്നാം ഗ്രേഡ് ജൂണിയർ ഹെൽത്ത് ഇൻസ്പെക്ടര്‍ വി.വി.ബീന, രണ്ടാം ഗ്രേഡ് ജൂണിയർ ഹെൽത്ത് ഇൻസ്പെക്ടര്‍മാരായ ബിജു അനൂർ, ഷിജു എന്നിവർ നേതൃത്വം നൽകി.
