കഥ മാറി! ഷെ​റി​ൻ മാ​ത്യൂ​സി​ന്‍റെ തി​രോ​ധാ​ന​വു​മാ​യി ബ​ന്ധ​പ്പെ​ട്ട് വളർത്തച്ഛൻ അറസ്റ്റിൽ; വെസ്‌ലി ആദ്യമൊഴി മാറ്റി; ജാമ്യത്തിൽഇറങ്ങാന്‌ 6.5 കോടി

ഹൂ​സ്റ്റ​ണ്‍: അ​മേ​രി​ക്ക​യി​ലെ ടെ​ക്സ​സി​ൽ മ​ല​യാ​ളി ദ​ന്പ​തി​ക​ളു​ടെ മൂ​ന്നു വ​യ​സു​ള്ള വ​ള​ർ​ത്തു​മ​ക​ൾ ഷെ​റി​ൻ മാ​ത്യൂ​സി​ന്‍റെ തി​രോ​ധാ​ന​വു​മാ​യി ബ​ന്ധ​പ്പെ​ട്ട് വ​ള​ർ​ത്ത​ച്ഛ​ൻ വെ​സ്‌ലി മാ​ത്യു​വി​നെ പോ​ലീ​സ് വീ​ണ്ടും അ​റ​സ്റ്റ് ചെ​യ്തു. ഷെ​റി​ൻ മാ​ത്യൂ​സി​ന്‍റേ​തെ​ന്നു ക​രു​തു​ന്ന മൃ​ത​ദേ​ഹം റി​ച്ച്മ​ണ്ട് സി​റ്റി പോ​ലീ​സ് ക​ഴി​ഞ്ഞ ദി​വ​സം ക​ണ്ടെ​ടു​ത്തി​രു​ന്നു. ഷെ​റി​ന്‍റെ മൃ​ത​ദേ​ഹം ത​ന്നെ​യാ​ണി​തെ​ന്നു സ്ഥി​രീ​ക​രി​ച്ചി​ട്ടി​ല്ല. മെ​ഡി​ക്ക​ൽ എ​ക്സാ​മി​ന​റു​ടെ നേ​തൃ​ത്വ​ത്തി​ൽ പ​രി​ശോ​ധ​ന ആ​രം​ഭി​ച്ചി​ട്ടു​ണ്ട്.

എ​ന്നാ​ൽ കു​ട്ടി​യെ പ​രി​ക്കേ​ൽ​പ്പി​ച്ചു എ​ന്ന കു​റ്റ​ത്തി​നാ​ണ് ഇ​പ്പോ​ൾ വെ​സ്‌​ലി​യെ അ​റ​സ്റ്റ് ചെ​യ്തി​രി​ക്കു​ന്ന​ത്. കു​റ്റം തെ​ളി​ഞ്ഞാ​ൻ വെ‌​സ്‌​ലി​ക്ക് 99 വ​ർ​ഷം വ​രെ ത​ട​വ് ശി​ക്ഷ ല​ഭി​ക്കാം. ജാ​മ്യം ല​ഭി​ക്ക​ണ​മെ​ങ്കി​ൽ ആറരക്കോടി രൂ​പ​യോ​ളം ബോ​ണ്ട് ന​ൽ​ക​ണം.

മൃ​ത​ദേ​ഹം മ​റ്റാ​രു​ടേ​തു​മാ​കാ​ൻ സാ​ധ്യ​ത​യി​ല്ലെ​ന്നു പോ​ലീ​സ് പ​റ​ഞ്ഞു. കു​ഞ്ഞ് എ​ങ്ങ​നെ മ​രി​ച്ചു​വെ​ന്ന കാ​ര്യ​ത്തി​ൽ പോ​ലീ​സ് വി​ശ​ദീ​ക​ര​ണം ന​ല്കി​യി​ട്ടി​ല്ല. ഷെ​റി​നെ ഏ​ഴി​ന് പു​ല​ർ​ച്ചെ മൂ​ന്നി​നാ​ണു കാ​ണാ​താ​യ​ത്. പാ​ലു കു​ടി​ക്കാ​ൻ വി​സ​മ്മ​തി​ച്ച കു​ഞ്ഞി​നെ വീ​ടി​നു പു​റ​ത്തെ മ​ര​ച്ചു​വ​ട്ടി​ൽ നി​ർ​ത്തി​യെ​ന്നും 15 മി​നി​ട്ടി​നു​ശേ​ഷം ചെ​ന്നു നോ​ക്കി​യ​പ്പോ​ൾ ക​ണ്ടി​ല്ലെ​ന്നു​മാ​ണ് ആ​ദ്യം വെ​സ്‌​ലി പോ​ലീ​സി​നോ​ടു പ​റ​ഞ്ഞ​ത്. എ​ന്നാ​ൽ ഇ​ന്ന​ലെ വീ​ണ്ടും ചോ​ദ്യം ചെ​യ്ത​പ്പോ​ൾ വെ​സ്‌​ലി ഈ ​മൊ​ഴി മാ​റ്റി​പ്പ​റ​ഞ്ഞു. പു​തി​യ മൊ​ഴി ഇ​തു​വ​രെ പോ​ലീ​സ് പു​റ​ത്ത് വി​ട്ടി​ട്ടി​ല്ല. കു​ഞ്ഞി​നെ ഉ​പേ​ക്ഷി​ക്ക​ൽ, അ​പ​ക​ട​ത്തി​ലാ​ക്ക​ൽ എ​ന്നീ കു​റ്റ​ങ്ങ​ൾ​ക്ക് കു​ട്ടി​യെ കാ​ണാ​താ​യ അ​ന്നു​ത​ന്നെ അ​റ​സ്റ്റിലായ വെ​സ്‌​ലി​ ര​ണ്ട​ര ല​ക്ഷം ഡോ​ള​റി​ന്‍റെ ജാ​മ്യ​ത്തി​ലാ​ണ് പു​റ​ത്തി​റ​ങ്ങി​യ​ത്.

ജാ​മ്യ​ത്തി​ൽ വി​ട്ട വെ​സ്‌​ലി​യു​ടെ പാ​സ്പോ​ർ​ട്ട് പി​ടി​ച്ചെ​ടു​ത്ത് കൈ​യി​ൽ ഇ​ല​ക്്ട്രോ​ണി​ക് മോ​ണി​ട്ട​റിം​ഗ് ബ്രേ​സ്‌​ല​റ്റ് ഘ​ടി​പ്പി​ച്ചാ​ണ് വെ​സ്‌​ലി​യെ ജാ​മ്യ​ത്തി​ൽ വി​ട്ട​ത്. വെ​സ്‌​ലി​യും ഭാ​ര്യ സി​നി​യും തി​ങ്ക​ളാ​ഴ്ച കോ​ട​തി​യി​ൽ ഇ​വ​രു​ടെ നാ​ലു വ​യ​സു​കാ​രി മ​ക​ളെ വി​ട്ടു കി​ട്ട​ണ​മെ​ന്ന് ആ​വ​ശ്യ​പ്പെ​ട്ട് ന​ൽ​കി​യ ഹ​ർ​ജി​യി​ൽ വാ​ദ​ത്തി​ന് എ​ത്തി​യി​രു​ന്നു. വെ​സ്‌​ലി അ​റ​സ്റ്റി​ലാ​യ​തി​നു പി​ന്നാ​ലെ ഈ ​കു​ഞ്ഞി​ന്‍റെ സം​ര​ക്ഷ​ണം ശി​ശു സം​ര​ക്ഷ​ണ​വി​ഭാ​ഗം ഏ​റ്റെ​ടു​ത്തി​രു​ന്നു. കേ​സ് അ​ടു​ത്ത​മാ​സം 13ലേ​ക്ക് വാ​ദം കേ​ൾ​ക്കു​ന്ന​തി​നാ​യി മാ​റ്റി.

എ​റ​ണാ​കു​ളം സ്വ​ദേ​ശി വെ​സ്‌​ലി മാ​ത്യൂ​സും ഭാ​ര്യ സി​നി​യും ര​ണ്ടു വ​ർ​ഷം മു​ന്പു ബി​ഹാ​റി​ൽ​നി​ന്നാ​ണ് ഷെ​റി​നെ ദ​ത്തെ​ടു​ത്ത​ത്. ഷെ​റി​ന് വ​ള​ർ​ച്ച​ക്കു​റ​വും സം​സാ​രി​ക്കാ​ൻ പ്ര​ശ്ന​വു​മു​ണ്ടാ​യി​രു​ന്നു. തൂ​ക്കം കൂ​ടാ​ൻ ഇ​ട​യ്ക്കി​ടെ ആ​ഹാ​രം കൊ​ടു​ക്ക​ണ​മാ​യി​രു​ന്നു. പു​ല​ർ​ച്ചെ പാ​ലു കു​ടി​ക്കാ​ൻ വി​സ​മ്മ​തി​ച്ച​പ്പോ​ൾ സ​ഹി​കെ​ട്ട് വീ​ടി​നു പു​റ​ത്തു​നി​ർ​ത്തി ശി​ക്ഷി​ക്കു​ക​യാ​യി​രു​ന്നു​വെ​ന്നാ​ണ് വെ​സ്‌​ലി​യു​ടെ അ​വ​കാ​ശ​വാ​ദം. എ​ന്നാ​ൽ, കു​ഞ്ഞി​നെ കാ​ണാ​താ​യി അ​ഞ്ചു മ​ണി​ക്കൂ​റി​നു ശേ​ഷ​മാ​ണ് വെ​സ്‌​ലി പോ​ലീ​സി​ൽ റി​പ്പോ​ർ​ട്ട് ചെ​യ്ത​ത്.