പ്രശസ്ത സംവിധായകൻ ജീത്തു ജോസഫിന്‍റെ സംവിധാന സഹായി മാർട്ടിൻ ജോസഫ് ഷെയിൻ നിഗത്തെ പ്രധാന കഥാപാത്രമാക്കി സംവിധാനം ചെയ്യുന്ന പുതിയ ചിത്രത്തിന്‍റെ പ്രഖ്യാപന പോസ്റ്റർ റിലീസായി.
ജീത്തു ജോസഫ് അവതരിപ്പിക്കുന്ന ഷെയ്ൻ നിഗം ചിത്രം, ഇ ഫോർ എക്സ്പെരിമെന്‍റ്സ്, ബെഡ് ടൈം സ്റ്റോറീസ് എന്നിവയുടെ ബാനറിൽ മുകേഷ് ആർ മേത്ത, സി.വി. സാരഥി എന്നിവർ ചേർന്നാണ് നിർമിക്കുന്നത്. ഇ ഫോർ എക്സ്പെരിമെന്‍റ്സ്, ജീത്തു ജോസഫിന്‍റെ നേതൃത്വത്തിലുള്ള ബെഡ് ടൈം സ്റ്റോറീസ് എന്നീ ബാനറിൽ ഒരുമിച്ചു നിർമിക്കുന്ന രണ്ടാമത്തെ ചിത്രമാണിത്.
ഈ ടീമിന്‍റെ ആദ്യ ചിത്രം ആസിഫ് അലിയെ നായകനാക്കി ജീത്തു ജോസഫ് സംവിധാനം ചെയ്യുന്ന മിറാഷ് കോഴിക്കോട് ആരംഭിച്ചു. ഷെയ്ൻ നിഗമിനൊപ്പം സാനിയ ഫാത്തിമ, കൃഷ്ണ പ്രഭ, ഷോബി തിലകൻ, നന്ദൻ ഉണ്ണി, കോട്ടയം രമേഷ്, ദിനേശ് പ്രഭാകർ തുടങ്ങിയ പ്രമുഖരും അഭിനയിക്കുന്നു.
ജോമോൻ ജോൺ, ലിന്‍റോ ദേവസ്യ എന്നിവർ ചേർന്ന് തിരക്കഥ സംഭാഷണമെഴുതുന്നു. ഛായാഗ്രഹണം-പി എം ഉണ്ണികൃഷ്ണൻ.പിആർഒ- എ.എസ്. ദിനേശ്.
