കൊച്ചി: ശക്തമായ മഴയിലും കാറ്റിലും വൈപ്പിനിൽനിന്നുപോയ മത്സ്യബന്ധനബോട്ട് ലക്ഷദ്വീപിന് സമീപം കടലിൽ മുങ്ങി. എട്ട് പേർ അപകടത്തിൽപ്പെട്ടതായാണ് സൂചന. കോസ്റ്റ്ഗാർഡ് തെരച്ചിൽ ആരംഭിച്ചു.
നാഗപട്ടണം ഒഡീഷ സ്വദേശികളായ നാല് പേർ വീതമാണ് ബോട്ടിലുണ്ടായിരുന്നത്. തമിഴ്നാട്ടിൽനിന്നുള്ള “ആണ്ടവന്‍ തുണ’ എന്ന ബോട്ടാണ് അപകടത്തിൽപ്പെട്ടത്.
ഈ മാസം ഒന്നാം തീയതിയാണ് വൈപ്പിനിൽനിന്ന് ബോട്ട് പുറപ്പെട്ടത്. ലക്ഷദ്വീപിന്‍റെ വടക്ക്പടിഞ്ഞാറൻ തീരത്താണ് ബോട്ട് അപകടം സംഭവിച്ചതെന്നാണ് കരുതുന്നത്.
ബോട്ടലുണ്ടായിരുന്ന മൂന്നുപേരെ മറ്റ് രണ്ട് ബോട്ടുകളില്‍ ഉണ്ടായിരുന്ന മത്സ്യത്തൊഴിലാളികള്‍ രക്ഷപ്പെടുത്തി.മറ്റുള്ളവരെക്കുറിച്ച് വിവരങ്ങള്‍ ലഭ്യമായിട്ടില്ല. കോസ്റ്റ് ഗാര്‍ഡ് സംഭവസ്ഥലത്തേക്ക് തിരിച്ചിട്ടുണ്ട്.
