കോട്ടയം: പ്രകോപന പ്രസംഗവുമായി ബിജെപി നേതാവ് ശോഭ സുരേന്ദ്രൻ വീണ്ടും രംഗത്ത്. കോട്ടയം പൊൻകുന്നത്ത് ബിജെപി സംഘടിപ്പിച്ച പരിപാടിയിലാണ് ശോഭ സിപിഎം നേതാക്കൾക്കെതിരേ പ്രകോപനപരമായി സംസാരിച്ചത്.
സംസ്ഥാന സെക്രട്ടറി കോടിയേരി ബാലകൃഷ്ണനെ തെക്കോട്ടെടുക്കാൻ സമയമായില്ലേ എന്നും ഇനിയെങ്കിലും നേരാവണ്ണം ജീവിക്കണമെന്നും ശോഭ പറഞ്ഞു. ഇന്ത്യ ഭരിക്കുന്നത് പിണറായിയുടെ വല്യേട്ടനല്ല. കോടിയേരിക്ക് കേരളത്തിൽ മാത്രം സഞ്ചരിച്ചാൽ മതിയോ എന്നും ഇന്ത്യയിലെ മറ്റ് സ്ഥലങ്ങളിൽ പോകേണ്ടി വരില്ലെ എന്നും ശോഭ പ്രസംഗത്തിൽ ചോദിച്ചു.
ആർഎസ്എസിൽ നിന്നും സിപിഎമ്മിലെത്തിയ സുധീഷ് മിന്നിയ്ക്കെതിരേയും ശോഭ ആഞ്ഞടിച്ചു. സുധീഷിന്‍റെ പേര് നായ്ക്കൾക്ക് ഇടണമെന്നായിരുന്നു ശോഭയുടെ ആഹ്വാനം.
