കോഴിമോഷ്ടാവിനെ കുടുക്കാൻ കോഴിക്കൂട്ടിൽ വൈദ്യുതി ഷോക്ക് നൽകി;  മികച്ച സേവനത്തിന് മെഡൽ വാങ്ങിയതിന് പിറ്റേന്ന് എഎസ്ഐക്ക് ഷോക്കേറ്റ് ദാരുണാന്ത്യം; ഗുരുതര പരിക്കേറ്റ് ഭാര്യ ആശുപത്രിയിൽ

തി​രു​വ​ന​ന്ത​പു​രം: വൈ​ദ്യു​ത ഷോ​ക്കേ​റ്റ് പോ​ലീ​സ് ഉ​ദ്യോ​ഗ​സ്ഥ​ൻ മ​രി​ച്ചു. പോ​ലീ​സ് ട്രെ​യി​നിം​ഗ് കോ​ള​ജി​ലെ എ​എ​സ്ഐ. ഹ​ർ​ഷ​കു​മാ​ർ (47) ആ​ണ് മ​രി​ച്ച​ത്. ഇ​ന്ന് രാ​വി​ലെ 7.45 -ഓ​ടെ ഇ​ദ്ദേ​ഹ​ത്തി​ന്‍റെ വെ​ഞ്ഞാ​റ​മൂ​ട് ആ​ലി​യാ​ട്ടു​ള്ള വ​സ​തി​യി​ൽ വ​ച്ചാ​യി​രു​ന്നു ഷോ​ക്കേ​റ്റ​ത്. വീ​ട്ടി​ലെ കോ​ഴി​ക്കൂ​ടി​ൽ നി​ന്നാ​ണ് ഇ​ദ്ദേ​ഹ​ത്തി​ന് ഷോ​ക്കേ​റ്റ​തെ​ന്ന് പോ​ലീ​സ് പ​റ​ഞ്ഞു.

കോ​ഴി മോ​ഷ​ണം ചെ​റു​ക്കാ​ൻ വൈ​ദ്യു​ത ഷോ​ക്ക് കോ​ഴി​ക്കൂ​ട്ടി​ൽ കൊ​ടു​ത്തി​രു​ന്നു. രാ​വി​ലെ ഇ​ദ്ദേ​ഹ​ത്തി​ന്‍റ​റെ ഭാ​ര്യ കോ​ഴി​ക്കൂ​ട് തു​റ​ന്ന​പ്പോ​ൾ ഷോ​ക്കേ​റ്റി​രു​ന്നു. ഭാ​ര്യ​യു​ടെ നി​ല​വി​ളി കേ​ട്ട് ര​ക്ഷി​ക്കാ​ൻ ശ്ര​മി​ക്ക​വെ​യാ​ണ് കോ​ഴി​ക്കൂ​ട്ടി​ൽ നി​ന്നും ഹ​ർ​ഷ​കു​മാ​റി​നും ഷോ​ക്കേ​റ്റ​തെ​ന്ന് പോ​ലീ​സ് പ​റ​ഞ്ഞു.

ഹ​ർ​ഷ​കു​മാ​റി​നെ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. ഇ​ദ്ദേ​ഹ​ത്തി​ന്‍റെ ഭാ​ര്യ​യു​ടെ നി​ല​യും ഗു​രു​ത​ര​മാ​ണ്. അ​വ​രെ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മി​ക​ച്ച സേ​വ​ന​ത്തി​ന് മു​ഖ്യ​മ​ന്ത്രി​യു​ടെ പോ​ലീ​സ് മെ​ഡ​ൽ ഹ​ർ​ഷ​കു​മാ​റി​ന് ഇ​ന്ന​ലെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ സ​മ്മാ​നി​ച്ചി​രു​ന്നു.

വെ​ഞ്ഞാ​റ​മൂ​ട് പോ​ലീ​സ് മേ​ൽ​ന​ട​പ​ടി സ്വീ​ക​രി​ച്ചു. പോ​സ്റ്റ്മോ​ർ​ട്ട​ത്തി​ന് ശേ​ഷം മൃ​ത​ദേ​ഹം പൊ​തു​ദ​ർ​ശ​ന​ത്തി​ന് വ​ച്ച ശേ​ഷം വീ​ട്ടി​ലേ​ക്ക് കൊ​ണ്ട് പോ​കും.