പ​ട്ട​ണ​ത്തി​ന്‍റെ പ​രി​വേ​ഷ​മു​ണ്ടെ​ങ്കി​ലും ഷൊ​ർ​ണൂ​രു​കാ​ർക്ക് ചികിത്സാസൗകര്യങ്ങൾ അപര്യാപ്തം

ഷൊ​ർ​ണൂ​ർ: പ​ട്ട​ണ​ത്തി​ന്‍റെ പ​രി​വേ​ഷ​മു​ണ്ടെ​ങ്കി​ലും അ​ത്യാ​ഹി​തം ഉ​ണ്ടാ​യാ​ൽ ചി​കി​ത്സ സൗ​ക​ര്യ​ങ്ങ​ൾ​ക്കാ​യി പ​ര​ക്കം​പാ​യേ​ണ്ട ഗ​തി​കേ​ടി​ലാ​ണ് ഷൊ​ർ​ണൂ​രു​കാ​ർ. ഷൊ​ർ​ണൂ​രി​ൽ സാ​മൂ​ഹ്യാ​രോ​ഗ്യ കേ​ന്ദ്രം പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും ഡോ​ക്ട​ർ​മാ​രു​ടെ സേ​വ​നം ഇ​വി​ടെ പ​രി​മി​ത​മാ​ണ്. അ​തു​കൊ​ണ്ടു​ത​ന്നെ വാ​ഹ​നാ​പ​ക​ടം സം​ഭ​വി​ച്ച​വ​രെ​യും പ​രി​ക്കേ​റ്റ​വ​രെ​യും ഗു​രു​ത​രാ​വ​സ്ഥ​യി​ലു​ള്ള​വ​രെ​യു​മൊ​ന്നും ഇ​വി​ടേ​യ്ക്ക് കൊ​ണ്ടു​വ​രാ​നാ​കി​ല്ല.

ഇ​തി​നാ​യി പ​ത്തു കി​ലോ​മീ​റ്റ​റി​ല​ധി​കം ദൂ​ര​ത്തു​ള്ള സ്വ​കാ​ര്യ ആ​ശു​പ​ത്രി​ക​ളെ​യാ​ണ് ഷൊ​ർ​ണൂ​ർ നി​വാ​സി​ക​ൾ ആ​ശ്ര​യി​ക്കു​ന്ന​ത്. അ​ത​ല്ലെ​ങ്കി​ൽ 30 കി​ലോ​മീ​റ്റ​ർ ദൂ​ര​ത്തു​ള്ള തൃ​ശൂ​ർ മെ​ഡി​ക്ക​ൽ കോ​ളേ​ജി​ലേ​ക്ക് എ​ത്ത​ണം ഷൊ​ർ​ണൂ​ർ ജം​ഗ്ഷ​ൻ റെ​യി​ൽ​വേ സ്റ്റേ​ഷ​ൻ, മ​ല​ബാ​റി​ന്‍റെ റെ​യി​ൽ​വേ പ്ര​വേ​ശ​ന​ക​വാ​ടം തു​ട​ങ്ങി വി​ശേ​ഷ​ണ​ങ്ങ​ൾ അ​ന​വ​ധി​യാ​ണ് ഷൊ​ർ​ണൂ​രി​നു​ള്ള​ത്.

എ​ന്നാ​ൽ അ​ടി​യ​ന്ത​ര​ഘ​ട്ട​ത്തി​ൽ​പോ​ലും ചി​കി​ത്സാ​സൗ​ക​ര്യ​ങ്ങ​ളും സം​വി​ധാ​ന​ങ്ങ​ളും ന​ല്കാ​ൻ​പോ​ലും ഇ​വി​ടെ സാ​ഹ​ച​ര്യ​മി​ല്ലാ​ത്ത​ത് വ​ലി​യ കു​റ​വാ​യി ത​ന്നെ​യാ​ണ് പ​രി​ഗ​ണി​ക്കേ​ണ്ട​ത്. ഷൊ​ർ​ണൂ​ർ സാ​മൂ​ഹ്യാ​രോ​ഗ്യ കേ​ന്ദ്ര​ത്തി​ൽ ചി​കി​ത്സാ​സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​പ​ക്ഷം അ​ത് ഷൊ​ർ​ണൂ​ർ​കാ​ർ​ക്ക് ഏ​റെ ഗു​ണ​പ്ര​ദ​മാ​കും.

എ​ന്നാ​ൽ സാ​മൂ​ഹ്യാ​രോ​ഗ്യ കേ​ന്ദ്ര​മാ​യി ഇ​തി​നെ ഉ​യ​ർ​ത്തു​ന്ന​തി​ന് ഏ​ഴ് ഡോ​ക്ട​ർ​മാ​രും അ​ത്യാ​ഹി​ത സം​വി​ധാ​ന​വും ഉ​ണ്ടാ​ക​ണ​മെ​ന്നാ​ണ് നി​ബ​ന്ധ​ന. ഈ ​മാ​ന​ദ​ണ്ഡം പാ​ലി​ക്കാ​ൻ ഷൊ​ർ​ണൂ​ർ സാ​മൂ​ഹ്യാ​രോ​ഗ കേ​ന്ദ്ര​ത്തി​ന് പ​രി​മി​തി​ക​ളു​ണ്ട്.
എ​ന്നാ​ൽ പി​എ​ച്ച്സി​യി​ൽ​നി​ന്ന് സി​എ​ച്ച്സി ആ​യി ഉ​യ​ർ​ത്തി​യി​ട്ട് പ​ത്തു​വ​ർ​ഷ​ത്തി​ല​ധി​ക​മാ​യി.

എ​ന്നാ​ൽ ഇ​ങ്ങ​നെ ചെ​യ്തി​ട്ടും ഡോ​ക്ട​ർ​മാ​രോ അ​ടി​സ്ഥാ​ന സൗ​ക​ര്യ​ങ്ങ​ളോ ഇ​ല്ലാ​ത്ത അ​വ​സ്ഥ​യാ​ണ് ഇ​പ്പോ​ഴും ഈ ​ആ​തു​രാ​ല​യ​ത്തി​ന്. തീ​വ​ണ്ടി അ​പ​ക​ട​ങ്ങ​ൾ, വാ​ഹ​നാ​പ​ക​ട​ങ്ങ​ൾ എ​ന്നി​വ​യി​ൽ​പ്പെ​ട്ട് ജീ​വ​നു​വേ​ണ്ടി മ​ല്ല​ടി​ക്കു​ന്ന​വ​ർ​ക്കു​പോ​ലും ഷൊ​ർ​ണൂ​രി​ൽ ര​ക്ഷ​യി​ല്ല. ഇ​വ​രെ വാ​ണി​യം​കു​ള​ത്തെ സ്വ​കാ​ര്യ മെ​ഡി​ക്ക​ൽ കോ​ളേ​ജി​ലോ ഒ​റ്റ​പ്പാ​ലം താ​ലൂ​ക്ക് ഗ​വ​ണ്‍​മെ​ൻ​റ് ആ​ശു​പ​ത്രി​യി​ലോ എ​ത്തി​ക്കേ​ണ്ട അ​വ​സ്ഥ​യാ​ണു​ള്ള​ത്.

പോ​ലീ​സു​കാ​രു​ടെ മെ​ഡി​ക്ക​ൽ പ​രി​ശോ​ധ​ന​ക​ൾ​ക്കും താ​ലൂ​ക്ക് ആ​ശു​പ​ത്രി​യാ​ണ് ആ​ശ്ര​യം. ഷൊ​ർ​ണൂ​രി​ൽ കി​ട​ത്തി​ചി​കി​ത്സ സം​വി​ധാ​ന​മു​ള്ള​തി​നാ​ൽ ര​ണ്ടി​നു​ശേ​ഷം കി​ട​ത്തി ചി​കി​ത്സ ആ​വ​ശ്യം വേ​ണ്ടി​വ​ന്നാ​ൽ മാ​ത്ര​മേ ഡോ​ക്ട​ർ​മാ​ർ എ​ത്തു​ക​യു​ള്ളൂ. മ​റ്റു സ​മ​യ​ങ്ങ​ളി​ൽ ന​ഴ്സു​മാ​രു​ടെ സേ​വ​നം മാ​ത്ര​മാ​ണ് ആ​ശ്ര​യം. നി​ല​വി​ലു​ള്ള സാ​ഹ​ച​ര്യം പ​രി​ഗ​ണി​ച്ച് ഷൊ​ർ​ണൂ​രി​ൽ ആ​തു​ര​ചി​കി​ത്സാ​രം​ഗ​ത്ത് സ​ജീ​വ​മാ​യ മാ​റ്റം വ​രു​ത്തു​ക​യും ഡോ​ക്ട​ർ​മാ​രെ നി​യോ​ഗി​ക്കു​ക​യും ചെ​യ്യ​ണ​മെ​ന്നാ​ണ് ആ​വ​ശ്യം.