സ്‍ത്രീ 2 എന്ന പുതിയ ചിത്രത്തിന്‍റെ വിജയത്തിളക്കത്തില്‍ ആണ് നടി ശ്രദ്ധ കപൂര്‍. സ്‍ത്രീ 2വിന്‍റെ പ്രവര്‍ത്തകര്‍ക്കൊപ്പമുള്ള തന്‍റെ ഫോട്ടോ ശ്രദ്ധ കപൂര്‍ അടുത്തിടെ പങ്കുവെച്ചിരുന്നു. ഈ ഫോട്ടോയ്ക്ക് കമന്‍റായി ഒരു ആരാധകര്‍ ചോദിച്ചതിന് കിടിലൻ മറുപടി നല്‍കിയിരിക്കുകയാണ് ശ്രദ്ധ കപൂര്‍.
ആധാര്‍ കാര്‍ഡില്‍ കാണാൻ എങ്ങനെയുണ്ടെന്ന ചോദ്യമായിരുന്നു ആരാധകൻ കമന്‍റ് ചെയ്തത്. ഏറെ മനോഹരം, എങ്ങനെ ഒരാള്‍ക്ക് ഇത്ര സുന്ദരിയാകാൻ സാധിക്കുമെന്ന് നിങ്ങള്‍ക്ക് തോന്നുമെന്നായിരുന്നു നടിയുടെ മറുപടി. ശ്രദ്ധ കപൂറിന്‍റെ മറുപടി സിനിമാ ആരാധകര്‍ ഏറ്റെടുത്തിരിക്കുകയാണ്.
അതേസമയം, ശ്രദ്ധയുടെ പുതിയ ചിത്രം സ്‍ത്രീ 2 ഇന്ത്യയില്‍ 400 കോടിയില്‍ അധികം നേടിയിട്ടുണ്ടെന്നാണ് ബോക്സ് ഓഫീസ് കളക്ഷൻ റിപ്പോർട്ട്.
