സോഷ്യല്‍ മീഡിയിലൂടെ നടിമാരെ ചൊറിഞ്ഞുകൊണ്ടിരിക്കുന്നത് ചിലരുടെ ഇഷ്ടവിനോദമാണ്. ഇത്തരത്തില്‍ ചൊറിയാന്‍ വന്നയാള്‍ക്ക് നടി ശ്രീയ രമേഷ് കൊടുത്ത മറുപടിയാണ് ഇപ്പോള്‍ വൈറലാകുന്നത്.
കോവിഡ് പ്രതിസന്ധിയെക്കുറിച്ച് വിവരിക്കുന്ന കുറിപ്പുമായി ബന്ധപ്പെട്ട് പങ്കു വച്ച ചിത്രത്തെ പരിഹസിച്ചു കൊണട്് വന്നയാളെയാണ് ശ്രീയ കണ്ടംവഴി ഓടിച്ചത്. മാസ്‌ക് ധരിക്കാതെ മേക്കപ്പ് മാത്രം അണിഞ്ഞെത്തിയതാണ് ഇയാളെ ചൊടിപ്പിച്ചത്.
‘പുതിയ കോവിഡ് കേസുകളും ടി പി ആറും കുറഞ്ഞെങ്കിലും മരണനിരക്ക് കൂടിക്കൂടി വരുന്നു. ഇപ്പോഴും മറ്റുള്ളവര്‍ പറഞ്ഞും, കാണിച്ചുകൊടുത്തും മാത്രം മാസ്‌ക് ഇടുകയും കൈ കഴുകുകയും ചെയ്യുകയുള്ളൂ എന്നു ശഠിക്കുന്നവര്‍ ബുദ്ധിക്ക് എന്തോ കുഴപ്പമുള്ളവര്‍ ആണെന്ന് തോന്നുന്നു …അല്ലേ സുഹൃത്തുക്കളെ? (ഞാന്‍ വീട്ടിലാണ്, മതിലിനുള്ളിലാണ് , രണ്ടു മീറ്റര്‍ അടുത്ത് ആരുമില്ല)’:-ഇങ്ങനെയായിരുന്നു ശ്രീയ രമേശിന്റെ കുറിപ്പ്.
എന്നാല്‍ മാസ്‌ക് പോലും ധരിക്കാതെ മറ്റുള്ളവരെ ഉപദേശിക്കാന്‍ നിങ്ങളാര് എന്ന വിമര്‍ശനമാണ് പിന്നീട് ഉണ്ടായത്. ‘വീടിന് വെളിയില്‍ ഇറങ്ങാന്‍ വേണ്ടി ഇത്രയും ഒരുങ്ങി ഇല്ലേ… അപ്പോള്‍ മാസ്‌ക് മുഖ്യം ബിഗിലെ’, ‘മതില്‍ കെട്ടിനകത്തു ആണേലും വാച്ച്, കണ്ണാടി, വെളിയില്‍ ഇറങ്ങാന്‍ പുതിയ ഡ്രസ്സ്, ഷൂ..ഇത്രയൊക്കെ ഉള്ള സ്ഥിതിക്ക് മാസ്‌ക് ഒരു കുറവ് ആണ്’ എന്നും വിമര്‍ശനം ഉയര്‍ന്നു.
‘അതുകൊണ്ട് മാസ്‌ക് വേണ്ടേ?…വീടിനുള്ളില്‍ ആണേല്‍ എന്തിനാ ചേച്ചിയേ ഇത്രയും മേക്കപ്പ് ? എന്ത് പ്രഹസനം ആണ് ഷാജി’ എന്നായിരുന്നു മറ്റൊരു കമന്റ്
ഈ ചോദ്യത്തിന് ശ്രീയയുടെ മറുപടി ഇങ്ങനെ:’ഒരു പെണ്ണു വീട്ടില്‍ മേക്കപ്പ് ഇട്ടു ഫോട്ടോ എടുത്താല്‍ അത് തോല്‍വി, എന്നാല്‍ ഒരു ആണ് കളറും അടിച്ച് വീട്ടില്‍ ഫോട്ടോ എടുത്താല്‍ അത് ജയം… താനൊക്കെ എന്ത് ജീവികളാടോ’ വിഷയത്തില്‍ ശ്രീയയെ പിന്തുണച്ചും നിരവധി ആളുകളെത്തുന്നുണ്ട്.
