ആ ചെരുപ്പുകൾ ആരുടേത്‍‍? യു​വാ​വി​നെ കി​ണ​റ്റി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വം; മരണത്തിലെ ദുരൂഹത കാട്ടി ബന്ധുക്കൾ നൽകിയ  പരാതിയിൽ അ​ന്വേ​ഷ​ണം തു​ട​ങ്ങി

മ​ട്ട​ന്നൂ​ർ(​ക​ണ്ണൂ​ർ): മ​ട്ട​ന്നൂ​ർ കു​ഴി​ക്ക​ലി​ൽ യു​വാ​വി​നെ കി​ണ​റി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ആ​രം​ഭി​ച്ചു. മ​ട്ട​ന്നൂ​ർ സി​ഐ ജോ​ഷി ജോ​സി​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘം ഏ​താ​നും പേ​രെ ചോ​ദ്യം ചെ​യ്തു. ദു​രൂ​ഹ​ത​യു​ള്ള​താ​യി കാ​ണി​ച്ച് ജി​ല്ലാ പോ​ലീ​സ് മേ​ധാ​വി​ക്ക് ബ​ന്ധു​ക്ക​ൾ ന​ൽ​കി​യ പ​രാ​തി​യെ തു​ട​ർ​ന്നാ​ണ് പോ​ലീ​സ് അ​ന്വേ​ഷ​ണം ആ​രം​ഭി​ച്ച​ത്.

കു​ഴി​ക്ക​ൽ ശി​ല്പ നി​വാ​സി​ൽ പ​ദ്മ​നാ​ഭ​ൻ – പ​ദ്മി​നി ദ​മ്പ​തി​ക​ളു​ടെ മ​ക​ൻ ശ്യാം​കു​മാ​റി (26) നെ ​ക​ഴി​ഞ്ഞ ബു​ധ​നാ​ഴ്ച രാ​വി​ലെ​യാ​ണ് വ​ലി​യവീ​ട്ടി​ൽ ഭ​ഗ​വ​തി ക്ഷേ​ത്ര​ത്തി​ന് സ​മീ​പ​ത്തു​ള്ള ആ​ൾ​താ​മ​സ​മി​ല്ലാ​ത്ത വീ​ടി​നു സ​മീ​പ​ത്തെ കി​ണ​റ്റി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ക്ഷേ​ത്ര​ത്തി​ൽ നി​ന്ന് 300 മീ​റ്റ​ർ അ​ക​ലെ​യു​ള്ള വീ​ട്ടു​കി​ണ​റ്റി​ലാ​ണ് ശ്യാം​കു​മാ​ർ വീ​ണ​തെ​ന്നും വീ​ഴാ​നു​ണ്ടാ​യ സാ​ഹ​ച​ര്യം മ​ന​സി​ലാ​യി​ല്ലെ​ന്നും കാ​ണി​ച്ചാ​ണ് ശ്യാം​കു​മാ​റി​ന്‍റെ സ​ഹോ​ദ​രീഭ​ർ​ത്താ​വ് ബ്ലാ​ത്തൂ​രി​ലെ സി.​സ​ന്തോ​ഷ് ജി​ല്ലാ പോ​ലീ​സ് മേ​ധാ​വി​ക്ക് പ​രാ​തി ന​ൽ​കി​യ​ത്.

മൃ​ത​ദേ​ഹം കി​ണ​റ്റി​ൽ കാ​ണ​പ്പെ​ട്ട​തി​ന്‍റെ ത​ലേ​ദി​വ​സം കു​ഴി​ക്ക​ൽ ഭ​ഗ​വ​തി ക്ഷേ​ത്ര​ത്തി​ലെ ഉ​ത്സ​വ​സ്ഥ​ല​ത്ത് ശ്യാം​കു​മാ​റി​നെ സു​ഹൃ​ത്തു​ക്ക​ൾ​ക്കൊ​പ്പം ക​ണ്ടി​രു​ന്ന​താ​യും ക്ഷേ​ത്ര​ത്തി​ലെ​ത്തി​യ പോ​ലീ​സു​കാ​രെ ക​ണ്ട് ശ്യാം​കു​മാ​റും സു​ഹൃ​ത്തു​ക​ളും ഓ​ടു​മ്പോ​ഴാ​ണ് കി​ണ​റ്റി​ൽ വീ​ണു മ​രി​ച്ച​തെ​ന്നു​മാ​ണ് നാ​ട്ടി​ലെ പ്ര​ചാ​ര​ണം. എ​ന്നാ​ൽ, പോ​ലീ​സി​നെ ക​ണ്ട് ഓ​ടി​യ​തി​നു ശേ​ഷ​വും ശ്യാം​കു​മാ​റി​നെ ക​ണ്ടി​രു​ന്ന​താ​യി ബ​ന്ധു​ക്ക​ൾ പ​റ​യു​ന്നു.

ശ്യാം​കു​മാ​ർ മ​രി​ച്ചു കി​ട​ന്ന കി​ണ​റി​നോ​ട് ചേ​ർ​ന്നു ശ്യാം​കു​മാ​റി​ന്‍റെ സു​ഹൃ​ത്തി​ന്‍റെ ഒ​രു ജോ​ഡി ചെ​രു​പ്പ് ക​ണ്ടെ​ത്തി​യി​രു​ന്ന​താ​യും പോ​ലീ​സ് വ​രു​ന്ന​തി​നു മു​മ്പ് ചെ​രു​പ്പ് ഇ​വി​ടെ നീ​ന്ന് നീ​ക്കം ചെ​യ്ത​താ​യും ബ​ന്ധു​വി​ന്‍റെ പ​രാ​തി​യി​ലു​ണ്ട്. മ​ര​ണ​ത്തി​ൽ അ​ന്വേ​ഷ​ണം ന​ട​ത്തി സം​ഭ​വ​ത്തി​ന് പി​ന്നി​ലു​ള്ള​വ​രെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ര​ണ​മെ​ന്നാ​ണ് പ​രാ​തി​യി​ലെ ആ​വ​ശ്യം. അ​ന്വേ​ഷ​ണം വേ​ണ്ട​വി​ധ​ത്തി​ൽ ന​ട​ന്നി​ല്ലെ​ങ്കി​ൽ ശ​ക്ത​മാ​യ സ​മ​ര​പ​രി​പാ​ടി​ക​ൾ ആ​രം​ഭി​ക്കു​മെ​ന്ന് ബ​ന്ധു​ക്ക​ൾ പ​റ​ഞ്ഞു.