ബോളിവുഡ് താരം ശിൽപ ഷെട്ടിക്ക് മകൾ പിറന്നു. ഈ മാസം 15നാണ് കുഞ്ഞ് പിറന്നത്. സമിഷ എന്നാണ് കുഞ്ഞിന് പേരു നൽകിയിരിക്കുന്നത്. പെൺകുഞ്ഞ് പിറന്ന സന്തോഷ വാർത്ത ശിൽപ ഷെട്ടിയും ഭർത്താവ് രാജ് കുന്ദ്രയും ഇൻസ്റ്റഗ്രാമിലൂടെയാണ് പങ്കു വച്ചത്.
വാടക ഗർഭധാരണത്തിലൂടെയാണ് സമിഷയുടെ ജനനം. ശിൽപ ഷെട്ടി- രാജ് കുന്ദ്ര ദന്പതിക‍ൾക്ക് വിയാൻ എന്നൊരു മകൻ കൂടിയുണ്ട്.
സ എന്ന സംസ്കൃത വാക്കും മിഷ എന്ന റഷ്യൻ വാക്കും ചേർത്താണ് സമിഷ എന്ന പേര് കണ്ടെത്തിയിരിക്കുന്നത്. ദൈവത്തെപ്പോലെ എന്നാണ് ആ വാക്കിനർത്ഥം.
തങ്ങളുടെ പ്രാർത്ഥനകൾക്ക് ഒരു അത്ഭുതത്തിലൂടെ മറുപടി ലഭിച്ചിരിക്കുന്നുവെന്നും കുഞ്ഞു മാലാഖയുടെ വരവ് സന്തോഷപൂർവം അറിയിക്കുന്നുവെന്നുമാണ് ശിൽപ ഇൻസ്റ്റഗ്രാമിൽ കുറിച്ചത്.
1993ൽ ബാസിഗർ എന്ന ചിത്രത്തിലൂടെ സിനിമ ലോകത്തെത്തിയ ശിൽപ 2009ലാണ് വ്യവസായിയായ രാജ് കുന്ദ്രയെ വിവാഹം ചെയ്യുന്നത്.
