ബംഗളുരു: വായ്പയെടുത്തു തിരിച്ചടയ്ക്കാതെ സാന്പത്തിക തട്ടിപ്പ് നടത്തിയ നടി സിന്ധു മേനോനും സഹോദരനുമെതിരെ കേസ്. ബാങ്ക് ഓഫ് ബറോഡയുടെ പരാതിയിൽ ബംഗളുരു ആർഎംസി യാർഡ് പോലീസാണു കേസെടുത്തത്.
36 ലക്ഷം വാഹനവായ്പയെടുത്തശേഷം തിരിച്ചടച്ചില്ലെന്നാണു ബാങ്കിന്‍റെ പരാതി. സിന്ധുവിനും സഹോദരനും പുറമേ മറ്റു മൂന്നു പേർക്കെതിരേയും കേസെടുത്തിട്ടുണ്ട്. എഫ്ഐആർ രജിസ്റ്റർ ചെയ്ത് കൂടുതൽ നടപടികളിലേക്കു കടന്നതായി പോലീസ് അറിയിച്ചു.
അതേസമയം, സിന്ധുവിന്‍റെ സഹോദരൻ കാർത്തിക്, നാഗശ്രീ, ശിവണ്ണ എന്നിവരെ പോലീസ് അറസ്റ്റ് ചെയ്തതായി റിപ്പോർട്ടുകളുണ്ട്. വിവാഹത്തിനുശേഷം സിന്ധു യുകെയിലാണ് ജീവിക്കുന്നത്. തെലുങ്ക്, കന്നഡ, തമിഴ്, മലയാളം ഭാഷകളിലായി സിന്ധു മേനോൻ നിരവധി സിനിമകളിൽ വേഷമിട്ടിരുന്നു.
