ദുബായ്: റിയോ ഒളിമ്പിക്സ് വെള്ളിമെഡൽ ജേതാവ് ഇന്ത്യയുടെ പി.വി സിന്ധു ദുബായ് സൂപ്പര്‍ സീരിസ് സെമിയിൽ കടന്നു. ഗ്രൂപ്പിലെ രണ്ടാം മത്സരത്തിൽ ജപ്പാന്‍റെ സയാകോ സാറ്റോയെ പരാജയപ്പെടുത്തിയാണ് സിന്ധുവിന്‍റെ മുന്നേറ്റം. നേരിട്ടുള്ള ഗെയിമുകൾക്കാണ് സിന്ധു വിജയിച്ചത്. സ്കോർ: 21-12, 21-12.
നേരത്തെ രണ്ടാം മത്സരത്തിലും പരാജയപ്പെട്ട ഇന്ത്യയുടെ കിഡംബി ശ്രീകാന്ത് ടൂർ‌മെന്‍റിൽനിന്നും പുറത്തായിരുന്നു. ചൈനീസ് തായ്പേയുടെ ചോവു ടീൻ ചെന്നിനോടാണ് ശ്രീകാന്ത് പരാജയപ്പെട്ടത്. നേരിട്ടുള്ള സെറ്റുകൾക്കായിരുന്നു ശ്രീകാന്തിന്‍റെ പരാജയം. സ്കോർ: 18-21, 18-21.
