ഉണ്ണി മുകുന്ദനെ നായകനാക്കി കണ്ണൻ താമരക്കുളം സംവിധാനം ചെയ്യുന്ന ചാണക്യ തന്ത്രത്തിൽ നായികാ വേഷത്തിലെത്തുന്നത് ശിവദയും ശ്രുതി രാമചന്ദ്രനും. ഒരു കന്പനി സിഇഒ ആയ മോഡേണ് പെണ്‍കുട്ടിയുടെ കഥാപാത്രമായി ശിവദ എത്തുന്പോൾ അനാഥയായ ഗ്രാമീണ പെണ്‍കുട്ടിയുടെ കഥാപാത്രത്തെയാണ് ശ്രുതി രാമചന്ദ്രൻ അവതരിപ്പിക്കുന്നത്. വ്യത്യസ്തമായ നാലു വേഷത്തിൽ ഉണ്ണി മുകുന്ദൻ എത്തുന്ന ചിത്രത്തിൽ അനൂപ് മേനോനാണ് പ്രതിനായക വേഷത്തെ അവതരിപ്പിക്കുന്നത്.
സായി കുമാർ, രമേഷ് പിഷാരടി, ഹരീഷ് കണാരൻ, ധർമജൻ ബോൾഗാട്ടി, സന്പത്ത്, ജയൻ ചേർത്തല, സോഹൻ സീനുലാൽ, ഡ്രാക്കുള സുധീർ എന്നിവരാണ് മറ്റ് വേഷങ്ങളെ അവതരിപ്പിക്കുന്നവർ. ഈ മാസം 13ന് ഷൂട്ടിംഗ് ആരംഭിക്കുന്ന ചിത്രത്തിന്‍റെ പ്രധാന ലൊക്കേഷനുകൾ വാഗമണ്‍, കുട്ടിക്കാനം എന്നിവിടങ്ങളാണ്.
