മലയാളി സൗന്ദര്യമെന്നും നാടൻ പെണ്കുട്ടിയെന്നുമൊക്കെ വിളിക്കാൻ പറ്റിയ താരസുന്ദരിയാണ് ശിവദ നായർ. സിനിമയിലും ആൽബങ്ങളിലൂടെയാണ് ശിവദ കേരളത്തിൽ തരംഗമുണ്ടാക്കിയത്. പിന്നീട് നായികയായി മാറി. ജയസൂര്യ നായകനായിട്ടെത്തിയ സു സു സുധി വാത്മീകം എന്ന സിനിമയിലൂടെയാണ് ശിവദ കേന്ദ്ര കഥാപാത്രത്തെ അവതരിപ്പിക്കുന്നത്.
ഇക്കൊല്ലത്തെ ഓണത്തിന് ആരാധകർക്ക് സർപ്രൈസ് ആയിട്ടാണ് താനൊരു അമ്മയായ കാര്യം ശിവദ പറയുന്നത്. നീണ്ട കാത്തിരിപ്പിനൊടുവിലായിരുന്നു ശിവദയ്ക്കൊരു കുഞ്ഞ് പിറക്കുന്നത്. പ്രസവത്തിന് വേണ്ടി സിനിമയിൽ നിന്നു ചെറിയൊരു ഇടവേള എടുത്ത നടി വീണ്ടും സജീവമാവുകയാണ്.
വീണ്ടും സിനിമയിൽ അഭിനയിക്കുന്നതിന് വേണ്ടി പ്രസവശേഷം നഷ്ടപ്പെട്ട സൗന്ദര്യം വീണ്ടെടുക്കാനുള്ള തയാറെടുപ്പിലാണ് ശിവദയിപ്പോൾ. ഫിറ്റ്നസ് നിലനിർത്തുന്നതിന് വേണ്ടി കഠിനമായ വ്യായാമങ്ങളാണ് ശിവദ ചെയ്ത് കൊണ്ടിരിക്കുന്നത്. വർക്കൗട്ട് ചെയ്യുന്ന ഏറ്റവും പുതിയ വീഡിയോ സോഷ്യൽ മീഡിയ പേജിലൂടെ ശിവദ പങ്കുവെച്ചിരിക്കുന്നു.
രസകരമായ കാര്യം ഇത്തവണ ജിമ്മിൽ ശിവദയുടെ കുഞ്ഞും ഉണ്ടെന്നുള്ളതായിരുന്നു. ജിമ്മിലെ ട്രെയിനർ ആണ് കുഞ്ഞിനെ എടുത്തിരിക്കുന്നത്. ട്രെയിനർ അടുത്ത സുഹൃത്ത് ആയാൽ ഇതാണ് ഗുണമെന്ന് പറഞ്ഞാണ് ശിവദ വീഡിയോ പങ്കുവച്ചിരിക്കുന്നത്.
