നമുക്കും വേണം സ്‌കൈവേ! ഗതാഗത കുരുക്കിന് പരിഹാരമാകാൻ “ആകാശ കാറുകൾ’

മെ​ട്രോ ട്രെ​യി​ൻ കൊ​ച്ചി​യു​ടെ മാ​റി​ലൂ​ടെ ത​ല​ങ്ങും വി​ല​ങ്ങും പാ​യു​ക​യാ​ണ്. എ​ന്നി​ട്ടും കൊ​ച്ചി​യി​ലെ ഗ​താ​ഗ​ത​ക്കു​രു​ക്ക് അ​ത്ര​യൊ​ന്നും കു​റ​ഞ്ഞി​ട്ടി​ല്ല. എ​ന്നാ​ലി​നി ന​മു​ക്ക് സ്കൈ​വേ ഒ​ന്നു നോ​ക്കി​യാ​ലോ. ഷാ​ർ​ജ​യി​ൽ സ്കൈ​വേ അ​ഥ​വാ ആ​കാ​ശ കാ​റു​ക​ൾ വൈ​കാ​തെ വ​രും.

ഷാ​ർ​ജ​യി​ലെ രൂ​ക്ഷ​മാ​യ ഗ​താ​ഗ​ത തി​ര​ക്കി​ന് പ​രി​ഹാ​ര​വു​മാ​യി ഷാ​ർ​ജ​യി​ൽ ആ​കാ​ശ കാ​റു​ക​ൾ ഉ​ട​ൻ വ​രു​മ​ത്രെ. സ്കൈ​വേ പ്രോ​ജ​ക്ട് എ​ന്ന് പേ​രി​ട്ട സം​വി​ധാ​നം പ​രി​ച​യ​പ്പെ​ടു​ത്താ​നൊ​രു​ങ്ങു​ക​യാ​ണ് ഷാ​ർ​ജ. തൂ​ങ്ങി​ക്കി​ട​ക്കു​ന്ന റെ​യി​ൽ​വേ സം​വി​ധാ​ന​മാ​ണ് സ്കൈ​വേ പ്രോ​ജ​ക്ട്.

യൂ​നി​കാ​ർ എ​ന്ന​റി​യ​പ്പെ​ടു​ന്ന തൂ​ങ്ങി​ക്കി​ട​ക്കു​ന്ന ചെ​റു​കാ​റു​ക​ൾ ഉ​പ​യോ​ഗി​ച്ചു​ള്ള പ​രീ​ക്ഷ​ണ സ​ഞ്ചാ​രം ഉ​ട​ൻ ആ​രം​ഭി​ക്കാ​നാ​ണ് നീ​ക്കം. ഷാ​ർ​ജ​യി​ൽ ഈ ​സം​വി​ധാ​നം വി​ക​സി​പ്പി​ച്ച സ്ഥ​ല​ത്തു​ത​ന്നെ​യാ​ണ് പ​രീ​ക്ഷ​ണ​ ഓട്ട​ത്തി​നും സൗ​ക​ര്യ​മൊ​രു​ക്കു​ന്ന​ത്. തൂ​ങ്ങി​ക്കി​ട​ക്കു​ന്ന റെ​യി​ൽ പാ​ള​ങ്ങ​ൾ ഒ​രു​പ​ക്ഷെ ഭാ​വി​യി​ലെ ഏ​റ്റ​വും സ്വീ​കാ​ര്യ​ത​യു​ള്ള സ​ഞ്ചാ​ര​മാ​ർ​ഗ​മാ​യി മാ​റി​യേ​ക്കാ​മെ​ന്നാ​ണ് വി​ല​യി​രു​ത്ത​ൽ.

ച​ര​ക്കു​നീ​ക്ക​ത്തി​നും ഇ​ത് സ​ഹാ​യ​ക​മാ​കു​മെ​ന്നാ​ണ് ക​രു​തു​ന്ന​ത്. സ്കൈ​വേ പ​ദ്ധ​തി​യു​ടെ പ​രീ​ക്ഷ​ണ ഘ​ട്ട​ത്തി​ന് ക​ഴി​ഞ്ഞ ദി​വ​സം ഷാ​ർ​ജ ഭ​ര​ണാ​ധി​കാ​രി ഡോ. ​ശൈ​ഖ് സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി സാ​ക്ഷി​യാ​യി. ഷാ​ർ​ജ റി​സ​ർ​ച്ച്, ടെ​ക്നോ​ള​ജി ആ​ൻഡ് ഇ​ന്ന​വേ​ഷ​ൻ പാ​ർ​ക്ക് ആ​ണ് സം​രം​ഭ​ത്തി​ന് പി​ന്നി​ൽ.