റാഞ്ചി: ഓസ്ട്രേലിയൻ നായകൻ സ്റ്റീവ് സ്മിത്ത് ടെസ്റ്റിൽ 5,000 റണ്‍സ് ക്ലബിൽ കടന്നു. ഇന്ത്യയ്ക്കെതിരായ മൂന്നാം ടെസ്റ്റിന്‍റെ ഒന്നാം ഇന്നിംഗ്സിലാണ് സ്മിത്ത് നേട്ടം സ്വന്തമാക്കിയത്. കരിയറിലെ 53-ാം മത്സരത്തിലാണ് ഓസീസ് നായകൻ നാഴികക്കല്ല് പിന്നിട്ടത്. 18 സെഞ്ചുറികളും 20 അർധ സെഞ്ചുറികളും സ്മിത്ത് ഇതുവരെ സ്വന്തം പേരിൽ കുറിച്ചിട്ടുണ്ട്.
80 റണ്സോടെ ക്രീസിലുള്ള സ്മിത്തിന്‍റെ മികവിൽ ഒന്നാം ദിനം ചായയ്ക്ക് പിരിയുന്പോൾ ഓസീസ് 194/4 എന്ന നിലയിൽ പൊരുതുകയാണ്. 19 റണ്സോടെ ഗ്ലെൻ മാക്സ്‌വെൽ നായകന് കൂട്ടായി ക്രീസിലുണ്ട്.
