വളര്‍ത്തുനായകള്‍ക്ക് യജമാനന്‍മാരോട് സ്‌നേഹം തോന്നിക്കഴിഞ്ഞാല്‍ പിന്നെ എന്ത് സംഭവിച്ചാലും അവ വിട്ടു പിരിഞ്ഞു പോകില്ല. ഏത് ദുരിതത്തലും തുണയായി കൂടെ നില്‍ക്കുകയും ചെയ്യും. വീടിനുള്ളില്‍ കയറാനെത്തിയ രാജവെന്പാലയെ യജമാനന്‍റെ നിര്‍ദേശപ്രകാരം തുരത്തിയോടിച്ച വീരന്‍മാരായ നാലു വളര്‍ത്തുനായ്ക്കളാണ് ഇപ്പോള്‍ സമൂഹമാധ്യമങ്ങളിലെ താരങ്ങള്‍.
തായ്‌ലന്‍ഡിലെ പിറ്റ്‌സനോലക്കിലാണ് സംഭവം. വീടിനുമുന്നിലുളള പൂന്തോട്ടത്തിലൂടെ വീടിനുള്ളിലേക്ക് കയറാന്‍ ശ്രമിച്ച ഭീമന്‍ രാജവെന്പാലയെ കണ്ട് വീട്ടുടമ പരിഭ്രാന്തിയിലായി. എന്നാല്‍ ഉടന്‍തന്നെ വീട്ടുടമ തന്‍റെ വളര്‍ത്തുനായകളെ സഹായത്തിനു വിളിക്കുകയായിരുന്നു. കുതിച്ചെത്തിയ നായകള്‍ എട്ടടി നീളമുള്ള രാജവെന്പാലയെ പലവശങ്ങളില്‍ നിന്നായി ആക്രമിച്ചു.
രാജവന്പാല പത്തിയുയര്‍ത്തി നായകളെ ആഞ്ഞു കൊത്താന്‍ ശ്രമിച്ചെങ്കിലും കടിയേല്‍ക്കാതെ നായകള്‍ വിദഗ്ധമായി ഒഴിഞ്ഞുമാറുകയായിരുന്നു. നായ്ക്കളുടെ തലങ്ങും വിലങ്ങുമുള്ള ആക്രമണത്തില്‍ തളര്‍ന്നുപോയ രാജവെന്പാല ഒടുവില്‍ തോല്‍വി സമ്മതിച്ച് ജീവനുംകൊണ്ട് ഓടി. വീട്ടുടമ തന്നെയാണ് നായ്ക്കളും രാജവെന്പാലയും തമ്മിലുള്ള കൊടുംയുദ്ധത്തിന്‍റെ ദൃശ്യങ്ങള്‍ കാമറയില്‍ പകര്‍ത്തിയതും….
വീഡിയോ കാണാം…
