ഭൂമിയിൽ അപകടരയായി നിരവധി ജീവികളുണ്ട്. ഇതിൽ പ്രധാനപ്പെട്ട ഒന്നാണ് പാമ്പുകൾ. അപ്രതീക്ഷിതമായി പാമ്പുകളെ കണ്ടാൽ ഒന്ന് ഞെട്ടാത്തവരായി ആരുമുണ്ടാവില്ല. എന്നാൽ തന്‍റെ കൈയിലുള്ള പെരുമ്പാമ്പിന്‍റെ മുട്ട കത്രിക കൊണ്ട് മുറിക്കുന്ന യുവതിയുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറൽ. പാരീസിലെ മിഗ്വൽ ഏഞ്ചൽ ഫ്ലോറസിൽ നിന്നുള്ള യുവതിയാണ് ഇത്തരത്തിലൊരു സാഹസികത കാണിച്ചത്.
വളരെ അനായാസമായാണ് മൃഗശാല ജീവനക്കാരിയായ യുവതി പെരുമ്പാമ്പിന്‍റെ മുട്ടകൾ കത്രിക ഉപയോഗിച്ച് മുറിച്ച് കുഞ്ഞുങ്ങളെ പുറത്തെടുക്കുന്നത്. ആദ്യമായി ഇത്തരത്തിലൊരു കാഴ്ച കണ്ടതിനാൽ കാഴ്ചക്കാരിൽ അസ്വസ്ഥതയും നിരവധി ചോദ്യങ്ങളും ഉയർന്നുവന്നു. പുറത്തെടുത്ത പാമ്പിൻ കുഞ്ഞുങ്ങളെ യുവതി കാമറയ്ക്ക് മുന്നിൽ കാണിക്കുകയും ചെയ്തു.
‘ദി റെപ്‌റ്റൈൽ സൂ’ എന്ന ഇൻസ്റ്റാഗ്രാം പേജിലാണ് വീഡിയോ പങ്കുവച്ചിരിക്കുന്നത്. ‘പുതുവർഷത്തിലേക്ക് ഈ മനോഹരമായ കുഞ്ഞ് പെരുമ്പാമ്പിനെ നമുക്ക് സ്വാഗതം ചെയ്യാം’ എന്നാണ് വീഡിയോയ്ക്ക് നൽകിയിരിക്കുന്ന അടിക്കുറിപ്പ്.
അത്ഭുതകരമായ ഈ വീഡിയോ നിമിഷ നേരങ്ങൾക്കൊണ്ട് സോഷ്യൽ മീഡിയയിൽ വൈറലായി. നിരവധിപേരാണ് വീഡിയോയ്ക്ക് ലൈക്കും കമന്‍റുമായി എത്തിയത്. പാമ്പിന്‍റെ മുട്ടകൾ സ്വയം വിരിയില്ലേന്നും, ഇതിന് മനുഷ്യ സഹായം ആവശ്യമുണ്ടോന്നുമുള്ള സംശയമാണ് കൂടുതൽ ആളുകളും കമന്‍റിൽ ചോദിച്ചത്.
വീഡിയോ കാണാൻ ഇവിടെ ക്ലിക്ക് ചെയ്യുക
