ഭക്ഷണമാണെന്ന് തെറ്റിദ്ധരിച്ച് പാമ്പ് സ്വന്തം വാൽ വിഴുങ്ങുന്നതിന്‍റെ അമ്പരപ്പിക്കുന്ന ദൃശ്യങ്ങൾ പുറത്ത്. പെൻസിൽവാനിയയിലെ ഒരു പാമ്പ് വളർത്തൽ കേന്ദ്രത്തിലാണ് സംഭവം.
ഇവിടെയുള്ള സുരക്ഷാ ഉദ്യോഗസ്ഥരിലൊരാളാണ് ഈ ദൃശ്യങ്ങൾ പകർത്തിയത്. ഭക്ഷണമാണെന്ന് കരുതിയാണ് പാമ്പ് സ്വന്തം വാൽ ഭക്ഷിക്കുവാൻ ശ്രമിച്ചത്. കിംഗ് സ്നേക്ക് എന്നയിനത്തിൽപ്പെട്ട പാമ്പായിരുന്നു ഇത്.
15 വർഷത്തിനിടെ ഇവിടെ ഇത്തരമൊരു സംഭവം റിപ്പോർട്ട് ചെയ്യുന്നത് ആദ്യമാണെന്ന് അധികൃതർ വ്യക്തമാക്കി. വാലിന്‍റെ ഏകദേശം എല്ലാ ഭാഗവും അകത്താക്കിയ പാമ്പിന്‍റെ വായയിൽ നിന്നും ഏറെ പണിപ്പെട്ടാണ് ഇത് പുറത്തെടുത്തത്.
