ഇഴജന്തുക്കളുടെ വീഡിയോകൾ സോഷ്യൽ മീഡിയയിൽ കാണുന്നവർക്ക് പരിചിതമായിരിക്കും ജയ് ബ്രൂവറിന്‍റെ ഇൻസ്റ്റാഗ്രാം പേജ്. ദി റെപ്‌റ്റൈൽ മൃഗശാലയുടെ സ്ഥാപകനായ ജയ് ബ്രൂവറിന്‍റെ അക്കൗണ്ടിൽ ഉരഗങ്ങളുമായി ബന്ധപ്പെട്ട നിരവധി വീഡിയോകളുണ്ട്.
അടുത്തിടെ സോഷ്യൽ മീഡിയയിൽ പങ്കിട്ട ഒരു ക്ലിപ്പിൽ ബ്രൂവർ കൂറ്റൻ പെരുമ്പാമ്പുകളുടെ അരികിൽ കിടക്കുന്നതായി കാണാം. എത്ര പാമ്പുകളുണ്ടെന്നത് എണ്ണുന്നത് തന്നെ ബുദ്ധിമുട്ടാണ്.
വീഡിയോയ്ക്ക് ഒപ്പം പങ്കുവച്ച അടിക്കുറിപ്പിൽ ഇത് തന്‍റെ ജന്മദിനത്തിൽ നടത്തിയ പാമ്പ് പാർട്ടിയാണെന്ന് അദ്ദേഹം വ്യക്തമാക്കി.
വീഡിയോ അതിവേഗം സോഷ്യൽ മീഡിയ പ്ലാറ്റ്ഫോമിൽ വൈറലായി. ആറ് ലക്ഷത്തിലധികം വ്യൂസ് ഇതിനോടകം വീഡിയോയ്ക്ക് ലഭിച്ചിട്ടുണ്ട്.
ബ്രൂവറിന്‍റെ ധീരതയെ പ്രശംസിച്ച് നിരവധി പേരാണ് കമന്‍റുമായി എത്തിയിരിക്കുന്നത്.
