ഒഡിഷയിലെ ഭാന്ത്രാക്ക് ജില്ലയിലെ ഒരു വീടിനുള്ളിൽ നിന്നും കണ്ടെത്തിയത് നൂറ് കണക്കിന് പാമ്പുകളെ. 111 മൂർഖൻ പാമ്പുകളെയും അവയുടെ 20 മുട്ടകളുമാണ് ഇവിടെ നിന്നും കണ്ടെത്തിയത്. ഒരു മുറിയിലുണ്ടായിരുന്ന ചിതൽപ്പുറ്റിനുള്ളിലെ മാളത്തിലൂടെയാണ് പാമ്പ് വന്നിരുന്നത്.
ഈ ചിതൽപ്പുറ്റ് പരിശോധിച്ച ഗൃഹനാഥൻ നൂറുകണക്കിന് പാമ്പുകളെയാണ് ഇവിടെ കണ്ടത്. വീട്ടിലുള്ളവരെയല്ലാം പുറത്തിറക്കിയ അദ്ദേഹം വനം വകുപ്പ് അധികൃതരെ അറിയിച്ചു. തുടർന്ന് അവരെത്തിയാണ് പാമ്പുകളെ പിടികൂടിയത്. ഈ പാമ്പുകളെ കാട്ടിൽ തുറന്നുവിടുമെന്ന് അധികൃതർ അറിയിച്ചു.
