സോഷ്യൽ മീഡിയയിൽ ലൈവിനിടെ പല അബദ്ധങ്ങളും നമുക്ക് സംഭവിക്കാറുണ്ട്. അവയിൽ ചില തൊക്കെ നമ്മെ ചിരിപ്പിക്കുന്നതുമുണ്ട്. അത്തരത്തിൽ ലൈവിനിടെ യുവതിക്ക് സംഭവിച്ച അമളിയാണ് ഇപ്പോൾ സോഷ്യൽ മീഡിയയിൽ ചർച്ച ആകുന്നത്.
ഒരു ജലാശയത്തിന്‍റെ അരികത്തിരുന്ന് യുവതി ലൈവ് വീഡിയോ ചെയ്യുകയായിരുന്നു. ഒപ്പം തന്നെ കഴിക്കുന്നതിനായി അവൾ ഒരു ബർഗറും എടുത്തു.
എന്നാൽ ബർഗർ കണ്ടതോടെ പരിസരത്ത് ചുറ്റി നടന്ന കടൽ കാക്കകൾക്ക് കൊതി മൂത്തു. കാക്കകളിൽ ഒരെണ്ണം ആദ്യ പരീക്ഷണമെന്നോണം ബർഗർ കൊത്തിക്കൊണ്ട് പോകാൻ ശ്രമിച്ചു. ഉടൻ തന്നെ യുവതി പേടിച്ച് പിന്നിലേക്ക് മാറി.
തങ്ങളുടെ തന്ത്രം ഏറ്റെന്ന് മനസിലായ കടൽ കാക്കകൾ സംഘം ചേർന്ന് അവളെ ആക്രമിക്കാൻ വന്നു. അപ്പോൾ തന്നെ പേടിച്ച് കെയിൽ ഉണ്ടായിരുന്ന ബർഗർ അവൾ താഴെ കളഞ്ഞു. കിട്ടിയ തക്കത്തിന് കാക്കകൾ ബർഗറുമായി കടന്നു കളഞ്ഞു.
യുവതിയുടെ വെപ്രാളം കണ്ട് അടുത്ത് നിൽക്കുന്നവരെല്ലാം സംഭവം അറിയാനായി അവളുടെ സമീപത്തെത്തുന്നതും വീഡിയോയിൽ കാണാം. ആദ്യം അവൾ പരിഭ്രമിച്ചു പോയെങ്കിലും പിന്നീട് അവൾക്ക് ചിരി വന്നു. തനിക്ക് പറ്റിയ അമളി ഓർത്ത് പൊട്ടി പൊട്ടി ചിരിക്കുന്നതും വീഡിയോയിൽ കാണാം.
വീഡിയോ കാണാം…
