ദബാംഗ് സീരീസിലെ മൂന്നാമത്തെ ചിത്രമായ ദബാംഗ് 3യിൽ ബോളിവുഡ് സുന്ദരി സൊനാക്ഷി സിൻഹ നായികയാകും. ദബാംഗ് ഒന്നിലും രണ്ടിലും സൊനാക്ഷി ആയിരുന്നു നായിക. 2010ൽ ദബാംഗ് ആദ്യ സീരീസ് ചിത്രത്തിൽ സൽമാൻഖാന്‍റെ നായികയായിട്ടായിരുന്നു സൊനാക്ഷിയുടെ ബോളിവുഡിലെ അരങ്ങേറ്റവും. 2018 മധ്യത്തോടെ ചിത്രത്തിന്‍റെ ഷൂട്ടിംഗ് ആരംഭിക്കും.
പ്രഭുദേവയാണ് ദബാംഗ് 3 സംവിധാനം ചെയ്യുന്നത്. അർബാസ് നിർമിക്കും. 2010ൽ ദബാംഗ് ആദ്യ സീരീസും 2012ൽ ദബാംഗ് രണ്ടാമത്തെ സീരീസും പ്രദർശനത്തിനെത്തി. രണ്ടു സീരീസുകളും വൻ ഹിറ്റായിരുന്നു. ദബാംഗ് 3ന്‍റെ റിലീസ് തീയതി ഇതുവരെ പ്രഖ്യാപിച്ചിട്ടില്ല. എന്തായാലും ദബാംഗ് 3യിലും നായികയാകാൻ അവസരം ലഭിച്ചതിന്‍റെ ത്രില്ലിലാണ് സൊനാക്ഷി ഇപ്പോൾ.
