ബോളിവുഡ് സുന്ദരി സൊനാക്ഷി സിൻഹ ഇപ്പോൾ സ്വസ്ഥമായി അവധി ആഘോഷിക്കുകയാണ്. സിംഗപ്പൂരിലാണ് താരം അവധി ആഘോഷിക്കുന്നത്. കഴിഞ്ഞ ദിവസം താരമൊരു ചിത്രം സോഷ്യൽമീഡിയയിൽ പോസ്റ്റ് ചെയ്തിരുന്നു. സിംഗപ്പൂർ സണ്‍സെറ്റ് എന്ന തലക്കെട്ടോടെ ഇട്ട ഫോട്ടോ ഇതിനോടകം വൈറലായിട്ടുണ്ട്.
കടൽക്കരയിൽ അസ്തമയ സൂര്യന്‍റെ ശോഭ ആസ്വദിച്ചുനിൽക്കുന്ന ചിത്രമാണ് താരം പോസ്റ്റ് ചെയ്തിരിക്കുന്നത്. വെളുത്ത നിറത്തിലുള്ള ഗ്ലാമർവേഷം ധരിച്ചാണ് കടൽക്കരയിൽ നിരത്തിയിട്ടിരിക്കുന്ന കല്ലുകൾക്കമുകളിൽനിന്ന് താരം ഫോട്ടോയ്ക്ക് പോസ് ചെയ്തിരിക്കുന്നത്. സിദ്ധാർഥ് മൽഹോത്ര നായകനായ ഇറ്റെഫാഗ് എന്ന ചിത്രത്തിലാണ് സൊനാക്ഷി അവസാനമായി അഭിനയിച്ചത്. ഈ ചിത്രം ഇപ്പോൾ തിയറ്ററുകളിൽ പ്രദർശന വിജയം നേടി മുന്നേറുകയാണ്.
