ദുബായ് : ഷാർപ്പ് ഷൂട്ടിംഗ് ഉൾപ്പെടെ വിദഗ്ധ പരിശീലനം നേടിയ 31 വനിതാ കേഡറ്റുകൾ ദുബായ് പോലീസിന്റെ ഫസ്റ്റ് റെസ്പൊണ്ഡെർ ഫോഴ്സിൽ ചുമതലയേറ്റു.
ആദ്യമായാണ് വനിതകളെ ഈ വിഭാഗത്തിൽ ചേർക്കുന്നത്.
സ്ഫോടക വസ്തുക്കൾ കൈകാര്യം ചെയ്യുക, ഓടുന്ന വാഹനങ്ങളിൽ നിന്നും എതിരാളികളെ വെടിവയ്ക്കുക,
അപകടകരമായ രീതിയിൽ ഓടിക്കുന്ന വാഹനങ്ങളെ നിർത്തിക്കുക തുടങ്ങിയവയിൽ അതിവിദഗ്ദ്ധ പരിശീലനം നൽകിയ ശേഷമാണ് പോലീസ് സേനയുടെ ഈ പ്രത്യേക വിഭാഗത്തിലേക്ക് എടുത്തിരിക്കുന്നത്.
അപകട സ്ഥലങ്ങളിൽ പ്രാഥമിക ശുശ്രൂഷ നൽകുന്നതിനും ഇവർക്ക് പരിശീലനം നൽകിയിട്ടുണ്ട്.
റിപ്പോർട്ട്: അനിൽ സി. ഇടിക്കുള
