മലയാളം, തമിഴ്, ഹിന്ദി, തെലുങ്ക്, കന്നട എന്നീ ഭാഷകളിലായി ഹൊറർ മൂഡിൽ ഒരുക്കുന്ന അഗല്യയിൽ സോണിയ അഗർവാൾ നായികയാകുന്നു. തെന്നിന്ത്യൻ ചലച്ചിത്രവേദിയിൽ ഒരുകാലത്ത് മിന്നിത്തിളങ്ങിയിരുന്ന സോണിയയുടെ മടങ്ങിവരവിന് വേദിയൊരുക്കുന്ന ചിത്രമെന്ന സവിശേഷതയോടെയാണ് അഗല്യ എത്തുന്നത്.
വിഷ്വൽ മീഡിയാരംഗത്തെ പ്രശസ്ത ബാനറായ സാഗരം ഫിലിം കന്പനിയാണ് അഗല്യ നിർമിക്കുന്നത്. കന്പനിയുടെ അമരക്കാരനായ ഷിജിൻലാൽ ആണ് ചിത്രം നിർമ്മിച്ച് സംവിധാനം ചെയ്യുന്നത്. നിരവധി പരസ്യചിത്രങ്ങളുടെയും വീഡിയോ ആൽബങ്ങളുടെയും നിർമാണവും സംവിധാനവും നിർവഹിച്ചിട്ടുള്ള ഷിജിൻലാൽ, ഈയടുത്ത് മോഹൻലാലിനെ പ്രകീർത്തിച്ച്, മോഹൻലാൽ ഫാൻസ് അസോസിയേഷന്റെ സഹകരണത്തോടെ പുറത്തിറക്കിയ ടു ലാലേട്ടൻ-മലയാള സിനിമ എന്ന വീഡിയോ ആൽബം യുട്യൂബിൽ തരംഗമായിരുന്നു ഹോളിവുഡ് ചിത്രങ്ങളോടു കിടപിടിക്കത്തക്കവിധത്തിൽ പുതിയ പരീക്ഷണങ്ങളുമായാണ് ചിത്രമൊരുക്കുന്നത്.
ഹൊറർ മൂഡിലുള്ള നിരവധി ചിത്രങ്ങൾ വന്നിട്ടുണ്ടെ ങ്കിലും ദക്ഷിണേന്ത്യൻ ഭാഷാചിത്രങ്ങളിൽ ഇത്തരത്തിലൊന്ന് ആദ്യത്തേതെന്നാണ് അണിയറക്കാർ അവകാശപ്പെടുന്നത്. ചിത്രത്തിന്‍റെ എഡിറ്റിംഗിലും വിഷ്വൽ ഇഫക്ട്സിലുമെല്ലാം ഹോളിവുഡ് സാങ്കേതികവിദഗ്ധരാണ് പ്രവർത്തിക്കുന്നത്. ചിത്രത്തിന്‍റെ പൂജ ചെന്നൈ എവിഎം സ്റ്റുഡിയോ ഫ്ളോറിൽ നടന്നു.
ഒരമ്മയുടെയും അവരുടെ രണ്ട ു കുട്ടികളുടെയും ജീവിതത്തിലേക്ക് പുറത്തുനിന്നൊരാൾ എത്തുന്നതോടെ സംഭവിക്കുന്ന മുഹൂർത്തങ്ങളാണ് ചിത്രത്തിന് വിഷയമാകുന്നത്.
ചിത്രത്തിലെ ഒരു ഹൈലൈറ്റ് റോളിൽ തെന്നിന്ത്യയിലെ ഒരു പ്രശസ്ത താരം അഭിനയിക്കും. സോണിയ അഗർവാളിനു പുറമേ പ്രദുന ബെനഡിക്ട് (ഫ്ളവേഴ്സ് ചാനലിലെ കട്ടുറുന്പ് ഫെയിം പിങ്കി), ആത്മിക എന്നിവരും അഭിനേതാക്കളായെത്തുന്നു. മറ്റു താരനിർണയം നടന്നുവരുന്നു.
ബാനർ-സാഗരം ഫിലിം കന്പനി, നിർമാണം, സംവിധാനം-ഷിജിൻലാൽ, കോ-പ്രൊഡ്യൂസർ-സാജു എസ്.സത്യൻ, കഥ, തിരക്കഥ, സംഭാഷണം-ഷിബിൻഷാ, ഛായാഗ്രഹണം-സുരേഷ് പത്മനാഭൻ, സംഗീതം-ആദിഷ് ഉത്രിയൻ, എഡിറ്റിംഗ്, വി.എഫ്.എക്സ്.-ഫിൽചാരറ്റ് ആൻഡ് ടീം (ഹോളിവുഡ്), പി.ആർ.ഒ -അജയ് തുണ്ടത്തിൽ, ഗുണ, കോറിയോഗ്രാഫി- എൽ.കെ.ആന്‍റണി, ആക്്ഷൻ-തവസിരാജ്, പ്രോജക്ട് ഡിസൈനർ-ജിതിൻ ജൂഡി കുര്യാക്കോസ്, ഉല്ലാസ്, പ്രൊ. കണ്ട്രോളർ-അനൂപ് കാരാട്, കല-സി.എസ്.സൈമണി, കോസ്റ്റ്യും ഡിസൈനർ-ഷിൻസി സാലു, ചമയം-സിജിൻ കൊടകര, മാനേജർ-അഖിൽ കടവൂർ, സ്റ്റിൽസ്-ശ്രീജിത്ത്.കെ.എസ്., പബ്ലിസിറ്റി ഡിസൈനർ-വിഷ്വൽ തോട്ട്സ് ഹരി. ചിത്രീകരണം ഉടൻ ആരംഭിക്കും. -അജയ് തുണ്ട ത്തിൽ
