“സ്ഫടികം’ സിനിമയുടെ 25-ാം വാർഷികത്തിൽ 4 കെ ദൃശ്യവിസ്മയത്തോടെ ചിത്രം തിയറ്ററുകളിലെത്തുമെന്ന് സംവിധായകൻ ഭദ്രൻ പ്രഖ്യാപിച്ചതോടെ സ്ഫിടകം 2 വിന്‍റെ സംവിധായകനും വിട്ടുകൊടുക്കാൻ ഉദ്ദേശമില്ലെന്ന് പ്രഖ്യാപിച്ചിരിക്കുകയാണ്.
ബിജു കട്ടയ്ക്കൽ സംവിധാനം ചെയ്യുന്ന സഫ്ടികം 2, 2020 മാർച്ച് 30ന് പ്രദർശനത്തിനെത്തുമെന്ന് പ്രഖ്യാപിച്ചിരിക്കുകയാണ്. സ്ഫടികത്തിന്‍റെ 25-ാം വർഷിക ദിനത്തിൽ തന്നെ ഈ ചിത്രം പുറത്തിറക്കുമെന്നാണ് സംവിധായകന്‍റെ വെല്ലുവിളി.
സോഷ്യൽ മീഡിയയിലൂടെയാണ് സംവിധായകൻ റിലീസ് തീയതി പ്രഖ്യാപിച്ചത്. “ഇതൊരു മത്സരമായി കാണുന്നു, സ്ഫടികവും, സ്ഫടികം 2 ഇരുമ്പനും തമ്മിലുള്ള മത്സരം, തോമാച്ചായനും തോമാച്ചായന്‍റെ മകൻ ഇരുമ്പൻ സണ്ണിയുമായുള്ള മത്സരം, വിവാദങ്ങൾ അവസാനിക്കുകയോ അവസാനിക്കാതിരിക്കുവോ ചെയ്യട്ടെ.
ചാക്കോ മാഷ്, തോമായ്ക്കു മുന്നിൽ തോറ്റു, പക്ഷേ ഈ മത്സരത്തിൽ തോമാച്ചായന്‍റെ മകന്‍റെ മുന്നിൽ തോമാച്ചായൻ തോൽക്കാതിരിക്കട്ടെ’- എന്ന് പറഞ്ഞുകൊണ്ടാണ് ഫേസ്ബുക്ക് പോസ്റ്റ് അവസാനിക്കുന്നത്.
